Псалом михаилу архангелу


Молитвы Архангелу Михаилу | Православные молитвы ☦

3.9 / 5 ( 721 голос )

Оглавление:

Молитва архангелу Михаилу «очень сильная защита»

«Господи, Боже Великий, Царю безначальный, пошли Архангела Твоего Михаила на помощь рабам Твоим (имена). Защити, Архангеле, нас от врагов, видимых и невидимых.

О Господень Великий Архангеле Михаиле! Запрети всем врагам, борющим меня, и сотвори их яко овцы, и смири их злобные сердца, и сокруши их, яко прах пред лицем ветра.

О Господень Великий Архангеле Михаиле! Шестикрылатых первый княже и воевода Небесных Сил – Херувимов и Серафимов, буди нам помощник во всех бедах, в скорбях, в печалях, в пустыни и на морях тихое пристанище!

О Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся тебе и призывающих имя твое святое.

Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятые Богородицы, молитвами святых апостолов, святителя чудотворца Николая, Андрея, Христа ради юродивого, святаго пророка Илии, и всех святых великомучеников: Никиты и Евстафия, и всех преподобных отцев наших, от века Богу угодивших и всех святых Небесных Сил.

О Господень Великий Архангеле Михаиле! Помози нам, грешным (имена), избави нас от труса, потопа, огня, меча и напрасныя смерти, и от всякого зла, от врага льстивого, от бури наносимой, от лукавого избави навсегда, ныне и присно, и во веки веков. Аминь»

Молитва архангелу Михаилу на каждый день

Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на небеси и посрамляяй выну злобу и коварства его на земли! К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся по подобию несмысленных детей скорогибнущими красотами мира сего, яко ради тленнаго и земнаго безумне забывати вечная и небесная. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дний временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия. Егда же приблизится час окончания нашего, освобождения от уз бреннаго сего телесе, не остави нас. Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.

Слушать молитву Архангелу Михаилу:


Молитва архистратигу Михаилу от злых сил

«О, святой Михаил Архангел, помилуй нас, грешных, требующих твоего заступления, сохрани нас, рабов Божиих (имена), от всех видимых и невидимых врагов, паче же подкрепи от ужаса смертного и от смущения дьявольского и сподоби нас непостыдно предстать Создателю нашему в час страшного и праведного Суда Его. О всесвятый, великий Михаил Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков».

Молитва архангелу Михаилу об усопших

«Cвятый Архангеле Божий Михаиле, если мои сродники (имена усопших… и сродников по плоти до Адамова колена) находятся в огненном озере, то выведи их из вечного огня своим благословенным крылом и приведи их ко Престолу Божию и умоли Господа нашего Иисуса Христа чтобы простил им их грехи. Аминь».

Молитва святому Архангелу Михаилу от врагов

«О, святый Михаиле Архангеле, светлообразный и грозный Небесного Царя воеводо! Прежде Страшного Суда ослаби ми покаятися от грехов моих, от сети ловящих избави душу мою и приведи ю к сотворшему ю Богу, седящему на Херувимех, и молися о ней прилежно, да твоим ходатайством послет ю в место покойное. О грозный воеводо Небесных Сил, предстателю всех у Престола Владыки Христа, хранителю твердый всем человеком и мудрый оружниче, крепкий воеводо Небеснаго Царя! Помилуй мя грешнаго, требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диавольского, и сподоби мя непостыдно предстати Создателю нашему в час страшнаго и праведнаго Суда Его. О всесвятый великий Михаиле Архистратиже! Не презри мене, грешнаго, молящагося тебе о помощи и заступлении твоем, в веце сем и в будущем, но сподоби мя тамо купно с тобою славити Отца и Сына и Святаго Духа во веки веков. Аминь.»


Сохранить молитвы в социальных сетях:

pravoslavnye-molitvy.ru

ПСАЛОМЩИК -

Архангелу Михаилу (тропарь, кондак и молитвы)

Тропарь, глас 4:

Небе́сных во́инств Архистрати́же,/ мо́лим тя при́сно мы недосто́йнии,/ да твои́ми моли́твами огради́ши нас/ кро́вом крил невеще́ственныя твоея́ сла́вы,/ сохраня́я нас, припа́дающих приле́жно и вопию́щих:/ от бед изба́ви нас,// я́ко чинонача́льник вы́шних Сил.

Кондак, глас 2:

Архистрати́же Бо́жий,/ служи́телю Боже́ственныя сла́вы, / А́нгелов нача́льниче и челове́ков наста́вниче,/ поле́зное нам проси́ и ве́лию ми́лость,// я́ко Безпло́тных Архистрати́г.

Молитва первая

Святы́й и вели́кий Арха́нгеле Бо́жий Михаи́ле, неисповеди́мыя и пресу́щественныя Тро́ицы пе́рвый во А́нгелех предстоя́телю, ро́да же челове́ческаго приста́вниче и храни́телю, сокруши́вый с во́инствы свои́ми главу́ прего́рдаго Денни́цы на небеси́ и посрамля́яй вы́ну зло́бу и кова́рства его́ на земли́! К тебе́ прибега́ем с ве́рою и тебе́ мо́лимся с любо́вию: бу́ди щит несокруши́м и забра́ло тве́рдо Святе́й Це́ркви и Правосла́вному Оте́чествию на́шему, огражда́я их молниено́сным мече́м твои́м от всех враг, ви́димых и неви́димых. Не оста́ви же, о Арха́нгеле Бо́жий, по́мощию и заступле́нием твои́м и нас, прославля́ющих днесь свято́е и́мя твое́: се бо, а́ще и многогре́шни есмы́, оба́че не хо́щем в беззако́ниих на́ших поги́бнути, но е́же обрати́тися ко Го́споду и оживле́нным бы́ти от Него́ на дела́ блага́я. Озари́ у́бо ум наш све́том лица́ Бо́жия, и́же вы́ну сия́ет на молниеви́днем челе́ твое́м, да возмо́жем разуме́ти, что есть во́ля Бо́жия о нас, блага́я и соверше́нная, и ве́дети вся, я́же подоба́ет нам твори́ти и я́же презира́ти и оставля́ти. Укрепи́ благода́тию Госпо́днею сла́бую во́лю и немощно́е произволе́ние на́ше, да, утверди́вшеся в зако́не Госпо́днем, преста́нем про́чее вла́ятися земны́ми по́мыслы и похоте́нии пло́ти, увлека́ющеся по подо́бию несмы́сленных дете́й скороги́бнущими красо́тами ми́ра сего́, я́ко ра́ди тле́ннаго и земна́го безу́мне забыва́ти ве́чная и небе́сная. Над все́ми же си́ми испроси́ нам свы́ше дух и́стиннаго покая́ния, нелицеме́рную печа́ль по Бо́зе и сокруше́ние о гресе́х на́ших, да остаю́щее нам число́ дний вре́меннаго живота́ на́шего иждиве́м не во угожде́нии чу́вств и рабо́те страсте́м на́шим, но во изглажде́нии зол, соде́янных на́ми, слеза́ми ве́ры и сокруше́ния серде́чнаго, по́двигами чистоты́ и святы́ми дела́ми милосе́рдия. Егда́ же прибли́зится час оконча́ния на́шего, освобожде́ния от уз бре́ннаго сего́ телесе́, не оста́ви нас. Арха́нгеле Бо́жий, беззащи́тных проти́ву духо́в зло́бы поднебе́сных, обы́кших прегражда́ти душе́ челове́честей восхо́д в го́рняя, да, охраняя́еми тобо́ю, безпреткнове́нне дости́гнем о́ных пресла́вных селе́ний ра́йских, иде́же не́сть печа́ль, ни воздыха́ние, но жизнь безконе́чная, и, сподо́бльшеся узре́ти пресве́тлое лице́ Всеблага́го Го́спода и Влады́ки на́шего, па́дше со слеза́ми у ног Его́, в ра́дости и умиле́нии воскли́кнем: сла́ва Тебе́, дража́йший Искупи́телю наш, И́же за премно́гую любо́вь Твою́ к нам, недосто́йным, благоволи́л еси́ посла́ти А́нгелы Твоя́ в служе́ние спасе́нию на́шему! Ами́нь.

Молитва вторая

О святы́й Михаи́ле Арха́нгеле, поми́луй нас, гре́шных, тре́бующих твоего́ заступле́ния, сохрани́ нас, раб Бо́жиих (имена), от все́х ви́димых и неви́димых враг, па́че же подкрепи́ от у́жаса сме́ртнаго и от смуще́ния диа́вольскаго и сподо́би нас непосты́дно предста́ти Созда́телю на́шему в час стра́шнаго и пра́веднаго Суда́ Его́. О всесвяты́й, вели́кий Михаи́ле Архистрати́же! Не пре́зри нас, гре́шных, моля́щихся тебе́ о по́мощи и заступле́нии твое́м в ве́це сем и в бу́дущем, но сподо́би нас та́мо ку́пно с тобо́ю сла́вити Отца́ и Сы́на и Свята́го Ду́ха во ве́ки веко́в. Аминь.

Молитва третья

Го́споди, Бо́же Вели́кий, Царю́ безнача́льный, пошли́ Арха́нгела Твоего́ Михаи́ла на по́мощь раба́м Твои́м (имярек). Защити́, Арха́нгеле, нас от вся́ких враго́в, ви́димых и неви́димых. О, Госпо́день Вели́кий Арха́нгеле Михаи́ле! Де́монов сокруши́тель, запрети́ всем врага́м, борю́щимся со мно́ю, и сотвори́ их я́ко о́вцы, и смири́ их зло́бные сердца́, и сокруши́ их, я́ко прах пред лице́м ве́тра. О, Госпо́день Вели́кий Арха́нгеле Михаи́ле! Шестикрыла́тых пе́рвый кня́же, Воево́до Небе́сных Сил — Херуви́м и Серафи́м, бу́ди нам помо́щник во всех бе́дах, ско́рбях, в печа́лях, в пусты́ни и на моря́х ти́хое приста́нище. О, Госпо́день Вели́кий Арха́нгеле Михаи́ле! Изба́ви нас от вся́кия пре́лести диа́вольския, егда́ услы́шишь нас, гре́шных, моля́щихся тебе́, и призыва́ющих и́мя твое́ свято́е. Ускори́ нам на по́мощь и побори́ всех, проти́вящихся нам, си́лою Честна́го и Животворя́щего Креста́ Госпо́дня, моли́твами Пресвято́й Богоро́дицы, моли́твами святы́х апо́столов, святи́теля Чудотво́рца Никола́я, Андре́я, Христа́ ра́ди, юро́диваго, св. проро́ка Илии́ и всех святы́х великому́чеников: святы́х му́чеников Ники́ты и Евста́фия, и всех преподо́бных отцо́в на́ших, от ве́ка Бо́гу угоди́вших и всех святы́х Небе́сных Сил. О, Госпо́день Вели́кий Арха́нгеле Михаи́ле! Помоги́ нам гре́шным (имярек) и изба́ви нас от тру́са, пото́па, огня́, меча́ и напра́сной сме́рти, от вели́кого зла, от врага́ льсти́ваго, от бу́ри поноси́мой, от лука́вого изба́ви нас всегда́, ны́не и при́сно, и во ве́ки веко́в. Ами́нь.

Свято́й Архистрати́г Бо́жий Михаи́л, молниено́сным мечо́м твои́м отжени́ от мене́ ду́ха лука́вого, искуша́ющего и томя́щего мя. Ами́нь.

Молитва четвертая.

О святы́й Михаи́ле Арха́нгеле, светлообра́зный и гро́зный Небе́снаго Царя́ воево́до! Пре́жде Стра́шнаго Суда́ осла́би ми пока́ятися от грехо́в мои́х, от се́ти ловя́щих изба́ви ду́шу мою́ и приведи́ ю́ к сотво́ршему ю́ Бо́гу, седя́щему на Херуви́мех, и моли́ся о ней приле́жно, да твои́м хода́тайством по́слет ю́ в ме́сто поко́йное. О гро́зный Воево́до Небе́сных Сил, предста́телю всех у Престо́ла Влады́ки Христа́, храни́телю тве́рдый всем челове́ком и му́дрый ору́жниче, кре́пкий Воево́до Небе́снаго Царя́! Поми́луй мя, гре́шнаго, тре́бующаго твоего́ заступле́ния, сохрани́ мя от всех ви́димых и неви́димых враг, па́че же подкрепи́ от у́жаса сме́ртнаго и от смуще́ния диа́вольскаго и сподо́би мя непосты́дно предста́ти Созда́телю на́шему в час стра́шнаго и пра́веднаго Суда́ Его́. О всесвяты́й вели́кий Михаи́ле Архистрати́же! Не пре́зри мене́, гре́шнаго, моля́щагося тебе́ о по́мощи и заступле́нии твое́м, в ве́це сем и в бу́дущем, но сподо́би мя та́мо ку́пно с тобо́ю сла́витии Отца́ и Сы́на и Свята́го Ду́ха во ве́ки веко́в. Ами́нь.


Назад к списку

diak.ortox.ru

Молитвослов / Православие.Ru

Кондак 1

Избра́нный Небе́сных сил воево́до и ро́да челове́ческаго засту́пниче, сие́ тебе́ и́же тобо́ю от ско́рбных избавля́еми, благода́рственное прино́сим пе́ние: ты же, я́ко предстоя́й Престо́лу Царя́ Сла́вы, от вся́ких нас бед свобожда́й, да с ве́рою и любо́вию в похвалу́ тебе́ зове́м: Ра́дуйся, Михаи́ле, вели́кий Архистрати́же, со все́ми Небе́сными си́лами.

Икос 1

Яко а́нгельских огнезра́чных лико́в предстоя́теля, а́нгельскими у́бо и язы́ки подоба́ше восхвали́ти тя́, Михаи́ле; но до́ндеже вразумля́еми тобо́ю навы́кнем безпло́тных глаго́лом, услы́ши, а́ще и от челове́ческих, оба́че благода́рных устен, сицева́я: Ра́дуйся, звездо́ ми́ра первообра́зная; ра́дуйся, свеще́ и́стины и пра́вды златоза́рная. Ра́дуйся, луче́й све́та несозда́ннаго пе́рвый во а́нгельских ликостоя́ниях прие́мниче; ра́дуйся, Ангелов и Арха́нгелов нача́льниче. Ра́дуйся, в не́мже наивя́щше светле́ется сла́ва Тво́рческия Десни́цы; ра́дуйся, и́мже красу́ются собо́ры всех суще́ств безпло́тных. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 2

Прови́дяще ве́ры очесы́ вели́чие духо́вныя красоты́ и си́лу молниено́сныя десни́цы твоея́, Арха́нгеле Бо́жий, мы, я́ко земни́и и пло́тию обложе́ннии, удивле́нием, ра́достию и благодаре́нием ко Творцу́ вся́ческих исполня́емся, зову́ще со все́ми Небе́сными си́лами: Аллилу́иа.

Икос 2

Ра́зум чист и свобо́ден от страсте́й испроси́ на́м, пречу́дный Михаи́ле, Небе́сных чино́в нача́льниче, да, возне́сшеся мы́слию от земны́х к Небе́сным, хвале́бную песнь воспое́м ти си́це: Ра́дуйся, Бо́жия неизрече́нныя красоты́ и добро́ты ближа́йший зри́телю; ра́дуйся, всеблаги́х сове́тов Пресвяты́я Тро́ицы преи́скренний таи́нниче. Ра́дуйся, преве́чных суде́б Тро́ических ве́рный исполни́телю; ра́дуйся, ему́же с любо́вию удивля́ются Небе́сная во́инства. Ра́дуйся, его́же с ве́рою прославля́ют земноро́днии; ра́дуйся, его́же трепе́щут а́дския си́лы. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 3

Си́лу необори́мыя ре́вности по сла́ве Бо́жией в себе́ явля́я, ста́л еси́ во главе́ лико́в а́нгельских, Михаи́ле, проти́ву ды́шащаго зло́бою, прего́рдаго денни́цы, ему́же со те́мными клевре́ты его́ с высоты́ небе́сныя в преиспо́днюю низве́ржену су́щу, во́инства Небе́сная, тобо́ю пресла́вне води́мая, с весе́лием, я́ко еди́ными усты́, пред Престо́лом Бо́жиим возгласи́ша: Аллилу́иа.

Икос 3

Имать тебе́, Арха́нгеле Михаи́ле, весь род христиа́нский вели́ка засту́пника и ди́вна во бра́нех с проти́вными помо́щника: сего́ ра́ди пречу́днаго покро́ва твоего́ сподо́битися жела́юще, в де́нь торжества́ твоего́ взыва́ем ти си́це: Ра́дуйся, и́мже сатана́, я́ко мо́лния, с Небесе́ низве́ржеся; ра́дуйся, и́мже храни́мый род челове́ческий к Небеси́ восхо́дит. Ра́дуйся, всесве́тлаго ми́ра Го́рняго преди́вное украше́ние; ра́дуйся, па́дшаго ми́ра до́льняго пресла́вное заступле́ние. Ра́дуйся, николи́же си́лами зла́ побежде́нный; ра́дуйся, со все́ми Ангелы Бо́жиими во и́стине и пра́вде на ве́ки благода́тию Бо́жиею утвержде́нный. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 4

Бу́ри искуше́ний и бед изба́ви нас, Ангелов первопресто́льниче, с любо́вию и ра́достию пресве́тлое торжество́ твое́ соверша́ющих: ты бо еси́ в беда́х вели́кий помо́щник и в час сме́рти от злых духо́в храни́тель и засту́пник всех вопию́щих твоему́ и на́шему Влады́це и Бо́гу: Аллилу́иа.

Икос 4

Ви́дяще твое́ проти́ву по́лчищ сатани́нских дерзнове́ние, вси чи́нове а́нгельстии с ра́достию подвиго́шася восле́д тебе́ на брань за и́мя и сла́ву своего́ Влады́ки, вопию́ще: кто я́ко Бо́г? Мы же, ве́дуще сатану́ под нога́ма твои́ма пове́ржена, тебе́, я́ко победи́телю, зове́м: Ра́дуйся, и́мже мир и тишина́ на Небеси́ водвори́шася; ра́дуйся, от него́же ду́хове зло́бы да́же до а́да низложи́шася. Ра́дуйся, а́нгельския во́инства и си́лы ми́ра неви́димаго ко истребле́нию зла́ направля́яй; ра́дуйся, прю́ и возмуще́ние стихи́й ми́ра ви́димаго незри́мо укроща́яй. Ра́дуйся, подъе́млющих брань к духово́м зло́бы поднебе́сным ди́вный спобо́рниче; ра́дуйся, изнемога́ющих во искуше́ниих и напа́стех ве́ка сего́ кре́пкий помо́щниче. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 5

Богото́чный исто́чник превели́ких чуде́с яви́лся еси́ во хра́ме твое́м, и́же в Хо́нех; не то́чию бо змий вели́кий и стра́шный, на ме́сте том пребыва́вый, си́лою твое́ю потреби́ся, но и струи́ водны́я, вся́кий неду́г теле́сный врачу́ющия, откры́шася, да вси́ прославля́ющему тя́ Влады́це А́нгелов с ве́рою зову́т: Аллилу́иа.

Икос 5

Слы́шаще и ве́дуще тя я́ко свети́ло вели́кое, посреде́ лико́в а́нгельских блиста́ющася, пречу́дный Михаи́ле, к тебе́, по Бо́зе и Пресвяте́й Ма́тери Бо́жией, прибега́ем: озари́ луча́ми све́та твоего́ всех нас, вопию́щих ти́ си́це: Ра́дуйся, вождю́ и храни́телю в пусты́ни наро́да богоизбра́ннаго; ра́дуйся, высо́кий посре́дниче зако́на, руко́ю Моисе́а на Сина́и да́ннаго. Ра́дуйся, у него́же судии́ и вожди́ Изра́илевы си́лу и покро́в обрета́ху; ра́дуйся, чрез него́же проро́цы и первосвяще́нницы иуде́йстии да́р ве́дения от всеве́дущаго Бо́га приима́ху. Ра́дуйся, богобоя́зненныя законода́вцы та́йною прему́дростию снабдева́яй; ра́дуйся, суд и пра́вду творя́щим бла́гость на се́рдце полага́яй. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 6

Провозве́стника тя́ Бо́жиих суде́б егда́ узре́ не́когда Мано́е, недоуме́ния и стра́ха испо́лнися, мня не жи́ти ктому́ на земли́; науче́н же от жены́ своея́ о бла́гости явле́ния и кро́тости слове́с твои́х, в ра́дости о име́вшем роди́тися, по словеси́ твоему́, сы́не свое́м Сампсо́не, благода́рне возопи́ Бо́гу: Аллилу́иа.

Икос 6

Возсия́л еси́ пречу́дно сла́вою, Михаи́ле, егда́ во о́бразе челове́честе пред Иису́сом Нави́ном стал еси́, глаго́ля: Иззу́й сапо́г с ногу́ твое́ю: а́з е́смь Архистрати́г си́лы Госпо́дни. Таково́му явле́нию твоему́ чудя́щеся, с любо́вию вопие́м ти: Ра́дуйся, боговенча́нных глав неусы́пный охрани́телю; ра́дуйся, противля́ющихся вла́сти, я́ко Бо́жию повеле́нию проти́вящихся, ско́рый низложи́телю. Ра́дуйся, усмири́телю наро́дных треволне́ний; ра́дуйся, незри́мый упраздни́телю злочести́вых обы́чаев. Ра́дуйся, я́ко ты просвеща́еши сомня́щихся в час лю́тых недоуме́ний; ра́дуйся, я́ко ты исхища́еши искуша́емых от пагубоно́сных наважде́ний. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 7

Хотя́й Влады́ка вся́ческих показа́ти, я́ко жре́бии сыно́в челове́ческих не самослуча́йнии суть, но в десни́це Его́ вы́ну содержа́тся, даде́ тя ца́рствам земны́м засту́пника и храни́теля, да племена́ и наро́ды к ве́чному Ца́рствию Бо́жию уготовля́еши; сего́ ра́ди вси, ве́дущии о вели́цем служе́нии твое́м спасе́нию челове́ческому, благода́рне зову́т Бо́гу: Аллилу́иа.

Икос 7

Но́вая чудеса́ показа́ нам, Архистрати́же, тобо́ю на земли́ всех чуде́с Творе́ц и Влады́ка, егда́ храм, во и́мя твое́ созда́нный, от потопле́ния вода́ми ре́чными ди́вно спасл еси́, струя́м пото́ка в не́дра земна́я устреми́тися повеле́вый: е́же ви́дя блаже́нный Архи́пп с духо́вными ча́ды свои́ми, благода́рне к тебе́ возопи́: Ра́дуйся, святы́х хра́мов Бо́жиих несокруши́мая огра́до; ра́дуйся, враго́м ве́ры Христо́вы необори́мая прегра́до. Ра́дуйся, его́же веле́нию стихи́и покоря́ются; ра́дуйся, и́мже вси зло́бнии за́мыслы сокруша́ются. Ра́дуйся, ве́рным ра́дость от Престо́ла Вседержи́теля износя́щий; ра́дуйся, неве́рных на стезю́ пра́вды и и́стины приводя́щий. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 8

Стра́нное чу́до си́лы твоея́, Архистрати́же Бо́жий, уве́де на себе́ Авваку́м, егда́ по ма́нию Бо́жию восхи́тив, прине́сл еси́ его́ скороте́чне от Иуде́и в Вавило́н, да́ти пи́щу Дании́лу, в ро́ве со львы заключе́ну: те́мже уди́влься превели́кому де́йствию си́лы твоея́, возопи́ с ве́рою: Аллилу́иа.

Икос 8

Весь еси́ в вы́шних, Михаи́ле, Престо́лу Царя́ Сла́вы предстоя́й, не дале́к еси́ и от ни́жних, ра́туя вы́ну со врага́ми спасе́ния челове́ческаго: те́мже вси вожделе́ннаго Оте́чества Небе́снаго дости́гнути хотя́щии согла́сно тебе́ зову́т: Ра́дуйся, нача́льниче трисвята́го а́нгельскаго пе́ния; ра́дуйся, земноро́дных при́сно гото́вый предста́телю и храни́телю. Ра́дуйся, прего́рдаго фарао́на с неве́рными еги́птяны порази́вый страннообра́зно; ра́дуйся, ве́рныя иуде́и путеводи́вый в пусты́ни пресла́вно. Ра́дуйся, и́мже угаси́ся пла́мень пещи́ вавило́нския; ра́дуйся, и́мже посрами́шася ко́зни бесо́вския. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 9

Вси и́ноцы Святы́я Горы́ Афо́нския в ра́достный тре́пет приидо́ша, ви́дяще, ка́ко богобоя́зненна о́трока, неи́стовно от нечести́вых златолю́бцев во глубину́ морску́ю с ка́менем пове́ржена, спасл еси: те́мже прия́вшая его́ оби́тель, и́менем твои́м красу́ющися, благода́рне взыва́ет ко Го́споду: Аллилу́иа.

Икос 9

Вети́й глаго́лы и любому́дров смы́слы не довле́ют ко изглаго́ланию си́лы твоея́, Михаи́ле, ка́ко во еди́ну нощь сто о́смьдесят и пять ты́сящ порази́л еси́ от во́ев царя́ ассири́йска Сеннахири́ма, да нака́жется про́чее не ху́лити и́мя Госпо́дне: мы же, почита́юще святу́ю ре́вность твою́ о сла́ве Бо́га Истиннаго, с весе́лием зове́м ти си́це: Ра́дуйся, правосла́вных во́инств непобеди́мый воево́до; ра́дуйся, злове́рных ра́тей страх и низложе́ние. Ра́дуйся, пра́выя ве́ры и богопочита́ния насади́телю; ра́дуйся, душевре́дных ересе́й и раско́лов искорени́телю. Ра́дуйся, благочести́выя Маккаве́и на по́ле бра́ни мно́гажды укрепи́вый; ра́дуйся, нечести́ваго вождя́ Антио́хова Илиодо́ра в саме́м хра́ме порази́вый. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 10

Спасти́ся хотя́щим нам бу́ди помо́щник тверд, Архистрати́же Бо́жий, избавля́яй и храня́й нас от бед и напа́стей, па́че же от злых на́выков и грехо́в на́ших, да, преспева́юще в ве́ре, наде́жде и любви́ Христо́ве, с ра́достию о преди́внем заступле́нии твое́м, ко Влады́це Ангелов и челове́ков благода́рне зове́м: Аллилу́иа.

Икос 10

Стена́ еси́ ве́рующим челове́ком, Архистрати́же Бо́жий, и столп кре́пок во бране́х со врага́ми ви́димыми и неви́димыми: сего́ ра́ди от сете́й бесо́вских тобо́ю избавля́еми, благода́рным се́рдцем и усты́ зове́м си́це: Ра́дуйся, враго́м ве́ры и сопроти́вником Святы́я Це́ркве непобеди́мый противобо́рниче; ра́дуйся, смире́нным провозве́стником Ева́нгелиа неутоми́мый споспе́шниче. Ра́дуйся, во тьме злове́рия седя́щих све́том ве́ры Христо́вы просвеща́яй; ра́дуйся, лжему́дрием объюро́девших на стезю́ и́стины и покая́ния наставля́яй. Ра́дуйся, гро́зный отмсти́телю кляну́щимся и́менем Бо́жиим всу́е; ра́дуйся, молниено́сный кара́телю глумя́щихся безу́мне о та́инствех святы́я ве́ры. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 11

Пе́ние вся́кое хвале́бное побежда́ется мно́жеством чуде́с твои́х, Архистрати́же Бо́жий, я́же соверше́на суть тобо́ю не то́чию на Небеси́ и на земли́, но и в те́мных се́нех преиспо́дней, иде́же глуби́ннаго зми́я связа́л еси́ у́зами си́лы Госпо́дни, да избавля́емии от зло́бы его́ благословя́т Влады́ку Небесе́ и земли́, зову́ще: Аллилу́иа.

Икос 11

Светоно́сный служи́тель и́стины и чистоты́ богопочита́ния яви́лся еси́, Архистрати́же, егда́, прови́дя ко́зни ду́ха тьмы, воспрети́л еси́ ему́ и́менем Бо́жиим, да не де́рзнет сокрове́нное те́ло почи́вшаго вождя́ Изра́илева Моисе́а яви́ти ко обоже́нию чу́вственным сыново́м Изра́илевым: сего́ ра́ди, чту́ще ны́не благосве́тлый собо́р твой, благода́рне вопие́м ти: Ра́дуйся, чистоту́ богове́дения во дни Ве́тхаго Заве́та среди́ иуде́ев сохрани́вый; ра́дуйся, пле́велы заблужде́ний во дни Но́выя благода́ти мно́гажды искорени́вый. Ра́дуйся, язы́ческих прорица́лищ и куми́ров истреби́телю; ра́дуйся, христиа́нских подви́жников и страстоте́рпцев укрепи́телю. Ра́дуйся, немощны́я ду́хом си́лою благода́ти Бо́жией исполня́яй; ра́дуйся, изнемога́ющия пло́тию всеору́жием ве́ры облека́яй. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 12

Благода́ть от Бо́га с Небесе́ испроси́ нам, пою́щим во сла́ву всечестна́го и́мене твоего́, Михаи́ле, да, осеня́еми твои́м заступле́нием, во вся́ком благоче́стии и чистоте́ поживе́м, до́ндеже, отреше́ннии сме́ртию от уз пло́ти, сподо́бимся предста́ти огнезра́чному Престо́лу Царя́ Сла́вы и с ли́ки а́нгельскими возопи́ти: Аллилу́иа.

Икос 12

Пою́ще многообра́зная твоя́ чудеса́, Михаи́ле, во спасе́ние на́ше соде́янная, мо́лим Го́спода и Влады́ку вся́ческих, да дух ре́вности по сла́ве Бо́жией, и́же в тебе́, николи́же оскуде́ет и в нас, зову́щих ти си́це: Ра́дуйся, ве́рных рабо́в Бо́жиих во вре́мя благопотре́бно на высоту́ вла́сти преди́вне поставля́яй; ра́дуйся, проде́рзых и недосто́йных с высоты́ си́лы и сла́вы незри́мо низлага́яй. Ра́дуйся, в де́нь после́дний избра́нных от четы́рех конце́в земли́ име́яй собра́ти; ра́дуйся, и́мже гре́шнии, я́ко пле́велы, по гла́су Бо́жию, огню́ ве́чному преда́ни бу́дут. Ра́дуйся, и́мже сатана́ со а́нгелы его́ во е́зеро о́гненное на ве́ки пове́ргнется; ра́дуйся, и́мже пра́веднии во оби́телех Отца́ Небе́снаго пресла́вне водворя́тся. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 13

О пречу́дный Арха́нгелов и Ангелов нача́льниче, за преди́вное служе́ние твое́ спасе́нию ро́да челове́ческаго приими́ от нас возноси́мый к тебе́ ны́не глас хвалы́ и благодаре́ния, и я́ко испо́лнь си́лы Бо́жией, покры́й нас невеще́ственныма крило́ма твои́ма от все́х вра́г ви́димых и неви́димых, да прославля́емому тобо́ю и просла́вившему тя Го́споду вы́ну зове́м: Аллилу́иа.

Этот кондак читается трижды, затем 1-й икос и 1-й кондак.

Икос 1

Яко а́нгельских огнезра́чных лико́в предстоя́теля, а́нгельскими у́бо и язы́ки подоба́ше восхвали́ти тя́, Михаи́ле; но до́ндеже вразумля́еми тобо́ю навы́кнем безпло́тных глаго́лом, услы́ши, а́ще и от челове́ческих, оба́че благода́рных усте́н, сицева́я: Ра́дуйся, звездо́ ми́ра первообра́зная; ра́дуйся, свеще́ и́стины и пра́вды златоза́рная. Ра́дуйся, луче́й све́та несозда́ннаго пе́рвый во а́нгельских ликостоя́ниях прие́мниче; ра́дуйся, А́нгелов и Арха́нгелов нача́льниче. Ра́дуйся, в не́мже наивя́щше светле́ется сла́ва Тво́рческия Десни́цы; ра́дуйся, и́мже красу́ются собо́ры всех суще́ств безпло́тных. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 1

Избра́нный Небе́сных сил воево́до и ро́да челове́ческаго засту́пниче, сие́ тебе́ и́же тобо́ю от ско́рбных избавля́еми, благода́рственное прино́сим пе́ние: ты же, я́ко предстоя́й Престо́лу Царя́ Сла́вы, от вся́ких нас бед свобожда́й, да с ве́рою и любо́вию в похвалу́ тебе́ зове́м: Ра́дуйся, Михаи́ле, вели́кий Архистрати́же, со все́ми Небе́сными си́лами.

Моли́тва

Святы́й и вели́кий Арха́нгеле Бо́жий Михаи́ле, неисповеди́мыя и пресу́щественныя Тро́ицы пе́рвый во Ангелех предстоя́телю, ро́да же челове́ческаго приста́вниче и храни́телю, сокруши́вый с во́инствы свои́ми главу́ прего́рдаго денни́цы на небеси́ и посрамля́яй вы́ну зло́бу и кова́рства его́ на земли́! К тебе́ прибега́ем с ве́рою и тебе́ мо́лимся с любо́вию: бу́ди щи́т несокруши́м и забра́ло тве́рдо Святе́й Це́ркви и Правосла́вному Оте́чествию на́шему, огражда́я их молниено́сным мече́м твои́м от всех враг, ви́димых и неви́димых. Не оста́ви же, о Арха́нгеле Бо́жий, по́мощию и заступле́нием твои́м и нас, прославля́ющих днесь свято́е и́мя твое́: се бо, а́ще и многогре́шни есмы́, оба́че не хо́щем в беззако́ниих на́ших поги́бнути, но е́же обрати́тися ко Го́споду и оживле́нным бы́ти от Него́ на дела́ блага́я. Озари́ у́бо ум наш све́том лица́ Бо́жия, и́же вы́ну сия́ет на молниеви́днем челе́ твое́м, да возмо́жем разуме́ти, что е́сть во́ля Бо́жия о нас блага́я и соверше́нная, и ве́дети вся, я́же подоба́ет нам твори́ти и я́же презира́ти и оставля́ти. Укрепи́ благода́тию Госпо́днею сла́бую во́лю и немощно́е произволе́ние на́ше, да, утверди́вшеся в зако́не Госпо́днем, преста́нем про́чее вла́ятися земны́ми по́мыслы и похоте́нии пло́ти, увлека́ющеся, по подо́бию несмы́сленных дете́й, скороги́бнущими красо́тами ми́ра сего́, я́ко ра́ди тле́ннаго и земна́го безу́мне забыва́ти ве́чная и небе́сная. Над все́ми же си́ми испроси́ нам Свы́ше дух и́стиннаго покая́ния, нелицеме́рную печа́ль по Бо́зе и сокруше́ние о гресе́х на́ших, да остаю́щее нам число́ дней вре́меннаго живота́ на́шего иждиве́м не во угожде́нии чувств и рабо́те страсте́м на́шим, но во изглажде́нии зол, соде́янных на́ми, слеза́ми ве́ры и сокруше́ния серде́чнаго, по́двигами чистоты́ и святы́ми дела́ми милосе́рдия. Егда́ же прибли́зится час оконча́ния на́шего, освобожде́ния от уз бре́ннаго сего́ телесе́, не оста́ви нас, Арха́нгеле Бо́жий, беззащи́тных проти́ву духо́в зло́бы поднебе́сных, обы́кших прегражда́ти душе́ челове́честей восхо́д в го́рняя, да, охраня́еми тобо́ю, безпреткнове́нне дости́гнем о́ных пресла́вных селе́ний ра́йских, иде́же несть печа́ль, ни воздыха́ние, но жизнь безконе́чная, и, сподо́бльшеся узре́ти пресве́тлое лице́ Всеблага́го Го́спода и Влады́ки на́шего, па́дше со слеза́ми у ног Его́, в ра́дости и умиле́нии воскли́кнем: сла́ва Тебе́, дража́йший Искупи́телю наш, Иже за премно́гую любо́вь Твою́ к нам, недосто́йным, благоволи́л еси́ посла́ти Ангелы Твоя́ в служе́ние спасе́нию на́шему! Ами́нь.

ms.pravoslavie.ru

Молитвы и акафист Архистратигу Михаилу и Святым Бесплотным силам - Храм


Тропари  и кондаки 
Молитвы Архистратигу Михаилу
Молитвы ангелам, молитвы архангелам на каждый день недели
Акафист Архангелу Михаилу
Акафист Святым и Бесплотным Силам
Величание


 

ТРОПАРИ И КОНДАКИ

 

Тропарь Архангела Михаила, глас 4

Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя ны, припадающия прилежно и вопиющия: от бед избави ны, яко чиноначальник Вышних Сил.

Тропарь Собора Архистратига Михаила и прочих Небесных Сил бесплотных, глас 4

Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны, припадающия прилежно и вопиющия: от бед избавите ны, яко чиноначальницы Вышних Сил.

Кондак Собора Архистратига Михаила и прочих Небесных Сил бесплотных, глас 2

Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко Безплотных Архистратизи.


 

МОЛИТВЫ АРХИСТРАТИГУ МИХАИЛУ

 

Молитва первая

Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на небеси и посрамляяй выну злобу и коварства его на земли!
К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти.
Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся по подобию несмысленных детей скорогибнущими красотами мира сего, яко ради тленнаго и земнаго безумне забывати вечная и небесная. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дний временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия.
Егда же приблизится час окончания нашего, освобождения от уз бреннаго сего телесе, не остави нас. Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.

Молитва вторая

О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков.

Молитва третья

Господи, Боже Великий, Царю безначальный, пошли Архангела Твоего Михаила на помощь рабам Твоим (имярек). Защити, Архангеле, нас от всяких врагов, видимых и невидимых.
О, Господень Великий Архангеле Михаиле! Демонов сокрушитель, запрети всем врагам, борющимся со мною, и сотвори их яко выцы, и смири их злобные сердца, и сокруши их, яко прах перед лицем ветра. О, Господень Великий Архангеле Михаиле! Шестикрылый первый Князь и Воевода Небесных Сил — Херувимов и Серафимов, буди нам помощник во всех бедах, скорбях, в печалях, в пустыни и на морях тихое пристанище. О, Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся Тебе, и призывающих имя Твое Святое.
Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятой Богородицы, молитвами святых Апостолов, Святителя Чудотворца Николая, Андрея, Христа ради, юродивого, св. пророка Илии и всех святых великомучеников: св. мучеников Никиты и Евстафия, и всех преподобных отцов наших, от века Богу угодивших и всех святых Небесных Сил. О, Господень Великий Архангеле Михаиле!
Помоги нам грешным (имярек) и избавь нас от труса, потопа, огня, меча и напрасной смерти, от великого зла, от врага льстиваго, от бури поносимой, от лукавого избавь нас всегда, ныне и присно, и во веки веков. Аминь. Святой Архистратиг Божий Михаил, молниеносным мечом Твоим отжени от мене духа лукавого, искушающего и томящего мя. Аминь.


 

МОЛИТВЫ АНГЕЛАМ И МОЛИТВЫ АРХАНГЕЛАМ НА КАЖДЫЙ ДЕНЬ НЕДЕЛИ

 

Молитва ко святым ангелам

К вам, яко заступником и хранителем живота моего, аз окаянный припадая, молюся: подадите мне молитвами вашими дневное пребывание, богоугодно и неискусно от злых деяний и помышлений прейти. Отверзите слух ушию моею, да услышу и разумею дела и словеса Божия душеполезная, да прозрю внутреннима очима, тьмою греховною обдержимый.
Молите за мя, по вся часы согрешающаго, да не пояст мене мечь ярости Господни: зело бо превзыдоша беззакония моя на главу мою, и яко бремя тяжкое отяготеша на мне. Ты же, Господи мой Господи, призри на мя, и помилуй мя, и изведи из темницы греховныя душу мою, прежде даже не отиду отсюду, и не прииду на Страшный оный Суд Твой. Приими молящияся за ны святыя Ангелы Твоя, иже окрест престола Твоего выну со страхом предстоят, и тех молитвами, изряднее же Пречистыя Матере, избави мя Страшнаго онаго и грознаго суда Твоего.
Ты бо еси Агнец Божий, вземляй всего мира грехи, распятый на кресте нашего ради спасения; вонми молитве моей , и посли Ангела Хранителя души моей и телу, да тем наставляем, избавлюся от всяких врагов видимых и невидимых, и сподоблюся получити Твою милость, со всеми от века Тебе благоугодившими, яко Ты еси Бог наш, и к Тебе прибегаю, и на Тя надеюся, аще и согреших паче человек, но Тебе не отступих, ни руку моею воздех ко иному богу, Тебе молюся, Господи Иисусе Христе, Тя благословлю, и Тебе покланяюся от Троицы Единому, со Отцем и Святым Духом, ныне и присно, и во веки веков. Аминь.

МОЛИТВЫ СВЯТЫМ АРХАНГЕЛАМ НА КАЖДЫЙ ДЕНЬ

Понедельник

Святый Архангеле Божий Михаиле, отжени от меня молниеносным мечем твоим духа лукаваго, искушающаго мя.
О великий Архистратиже Божий Михаиле победитель демонов! Победи и сокруши всех врагов моих видимых и невидимых, и умоли Господа Вседержителя, да спасет и сохранит меня Господь от скорбей и от всякия болезни, от смертоностныя язвы и напрасныя смерти, ныне и присно и во веки веков. Аминь.

Вторник

Святый Архангеле Гаврииле, радость неизреченную с Небес Пречистой Деве принесший, исполни радостию и веселием сердце мое, гордостию преогорченное.
О, великий Архангеле Божий Гаврииле, ты еси благовестил Пречистой Деве Марии зачатие Сына Божия. Возвести и мне грешному день страшной смерти Господа Бога за грешную мою душу, да простит Господь грехи мои; и не удержат меня демоны на мытарствах за грехи мои. О великий Архангеле Гаврииле! Сохрани меня от всех бед и от тяжкой болезни, ныне и присно и во веки веков. Аминь.

Среда

О великий Архангеле Божий Рафаиле, приемый дар от Бога целити недуги, исцели неисцельные язвы моего сердца и многие болезни моего тела.
О великий Архангеле Божий Рафаиле, ты еси путеводитель, врач и целитель, руководствуй меня ко спасению и исцели все болезни мои душевные и телесные, и проведи меня к Престолу Божию, и умоли Его благоутробие за грешную мою душу, да простит меня Господь и сохранит от всех врагов моих и от злых человек, от ныне и до века. Аминь.

Четверг

Святый Архангеле Божий Урииле, светом Божественным озаряемый и преизобильно исполненный огнем пламенной горячей любви, брось искру огня сего пламенного в мое сердце холодное, и душу мою темную светом твоим озари.
О великий Архангеле Божий Урииле, ты еси сияние огня Божественного и просветитель помраченных грехами: просвети ум мой, сердце мое, волю мою силою Святаго Духа, и настави меня на путь покаяния, и умоли Господа Бога, да избавит меня Господь от ада преисподняго и от всех врагов видимых и невидимых, ныне и присно и во веки веков. Аминь.

Пятница

Святый Архангеле Божий Селафииле, даяй молитву молящемуся, научи меня молиться молитвой смиренной, сокрушенной, сосредоточенной и умиленной. О великий Архангеле Божий Селафииле, ты молиши Бога за людей верующих, умоли Его благоутробие за меня, грешного, да избавит меня Господь от всех бед и скорбей, и болезней, и от напрасныя смерти, и от муки вечныя, и сподобит меня Господь Царствия Небесного со всеми Святыми вовеки. Аминь.

Суббота

Святый Архангеле Божий Иегудииле, присный споспешниче всех подвизающихся на пути Христовом, возбуди меня от тяжкой лености и подвигом добрым укрепи меня. О великий Архангеле Божий Иегудииле, ты ревностный защитник славы Божией: ты возбуждаешь прославлять Святую Троицу, пробуди и меня, ленивого, славить Отца и Сына и Святаго Духа, и умоли Господа Вседержителя да созиждет во мне сердце чисто и дух правый обновит во утробе моей, и Духом Владычным утвердит меня и истиною Отцу и Сыну и Святому Духу, ныне и присно и во веки веков. Аминь.

Воскресенье

Святый Архангеле Божий Варахииле, благословение от Господа нам приносящий, благослови мя положить начало благое, исправление нерадивого моего жития, да угожду во всем Господу Спасителю моему во веки веков. Аминь.


 

АКАФИСТ АРХАНГЕЛУ МИХАИЛУ

 

Как правильно читать акафист

Кондак 1

Избранный Небесных сил воеводо и рода человеческаго заступниче, сие тебе, иже тобою от скорбных избавляеми, благодарственное приносим пение: ты же, яко предстояй Престолу Царя Славы, от всяких нас бед свобождай, да с верою и любовию в похвалу тебе зовем: Радуйся, Михаиле, великий Архистратиже, со всеми Небесными силами.

Икос 1

Яко ангельских огнезрачных ликов предстоятеля, ангельскими убо и языки подобаше восхвалити тя, Михаиле; но дондеже вразумляемии тобою навыкнем безплотных глаголом, услыши, аще и от человеческих, обаче благодарных устен, сицевая:
Радуйся, звездо мира первообразная;
Радуйся, свеще истины и правды златозарная.
Радуйся, лучей света несозданнаго первый во ангельских ликостояниях приемниче;
Радуйся, Ангелов начальниче.
Радуйся, в нем же наивящше светлеется слава Творческия Десницы;
Радуйся, имже красуются соборы всех существ безплотных.
Радуйся, Михаиле, великий Архистратиже, со всеми Небесными силами.

Кондак 2

Провидяще веры очесы величие духовныя красоты и силу молниеносныя десницы твоея, Архангеле Божий, мы, яко земнии и плотию обложеннии, удивлением, радостию и благодарением ко Творцу всяческих исполняемся, зовуще со всеми Небесными силами: Аллилуиа.

Икос 2

Разум чист и свободен от страстей испроси нам, пречудный Михаиле, Небесных чинов начальниче, да, вознесшеся мыслию от земных к Небесным, хвалебную песнь воспоем ти сице:
Радуйся, Божия неизреченныя красоты и доброты ближайший зрителю:
Радуйся, всеблагих советов Пресвятыя Троицы приискренний таинниче.
Радуйся, превечных судеб Троических верный исполнителю;
Радуйся, емуже с любовию удивляются Небесная воинства.
Радуйся, егоже с верою прославляют земнороднии;
Радуйся, егоже трепещут адския силы.
Радуйся, Михаиле, великий Архистратиже, со всеми Небесными силами.

Кондак 3

Силу необоримыя ревности по славе Божией в себе являя, стал еси во главе ликов ангельских, Михаиле, противу дышащаго злобою прегордаго Денницы, ему же со темными клевреты его с высоты небесныя в преисподнюю низвержену сущу, воинства Небесная, тобою преславне водимая, с веселием, яко едиными усты, пред Престолом Божиим возгласиша: Аллилуиа.

Икос 3

Имать тебе, Архангеле Михаиле, весь род христианский велика заступника и дивна во бранех с противными помощника; сего ради пречуднаго покрова твоего сподобитися желающе, в день торжества твоего взываем ти сице:
Радуйся, имже сатана, яко молния, с небесе низвержеся;
Радуйся, имже хранимый род человеческий к небеси восходит.
Радуйся, всесветлаго мира Горняго предивное украшение;
Радуйся, падшаго мира дольняго преславное заступление.
Радуйся, николиже силами зла побежденный;
Радуйся, со всеми Ангелы Божиими в истине и правде на веки благодатию Божиею утвержденный.
Радуйся, Михаиле, великий Архистратиже, со всеми Небесными силами.

Кондак 4

Бури искушений и бед избави нас, Ангелов первопрестольниче, с любовию и радостию пресветлое торжество твое совершающих; ты бо еси в бедах великий помощник и в час смерти от злых духов хранитель и заступник всех, вопиющих твоему и нашему Владыце и Богу: Аллилуиа.

Икос 4

Видяще твое противу полчищ сатанинских дерзновение, вси чинове ангельскии с радостию подвигошася во след тебе на брань за Имя и славу своего Владыки, вопиюще: кто яко Бог? Мы же, ведуще сатану под ногама твоима повержена, тебе, яко победителю, зовем:
Радуйся, имже мир и тишина на небеси водворишася;
Радуйся, от негоже духове злобы даже до ада низложишася.
Радуйся, ангельския воинства и силы мира невидимаго ко истреблению зла направляяй;
Радуйся, прю и возмущение стихий мира видимаго незримо укрощаяй.
Радуйся, подъемлющих брань к духовом злобы поднебесным дивным споборниче;
Радуйся, изнемогающих во искушениих и напастех века сего крепки и помощниче.
Радуйся, Михаиле, великий Архистратиже, со всеми Небесными силами.

Кондак 5

Боготочный источник превеликих чудес явился еси во храме твоем, иже в Хонех; не точию бо змий великий и страшный, на месте том пребывавый, силою твоею потребися, но и струи водныя, всякий недуг телесный врачующия, открышася, да вси прославляющему тя Владыце Ангелов с верою зовут: Аллилуиа.

Икос 5

Слышаще и ведуще тя яко светило великое, посреде ликов ангельских блистающася, пречудный Михаиле, к тебе, по Бозе и Пресвятей Матери Божией, прибегаем: озари лучами света твоего всех нас, вопиющих ти сице:
Радуйся, вождю и хранителю в пустыни народа богоизбраннаго;
Радуйся, высокий посредниче закона, рукою Моисея на Синаи даннаго.
Радуйся, у негоже судии и вожди Израилевы силу и покров обретаху;
Радуйся, чрез негоже пророцы и первосвященницы иудейстии дар ведения от Всеведущаго Бога приимаху.
Радуйся, богобоязненныя законодавцы тайною премудростию снабдеваяй;
Радуйся, суд и правду творящим благость на сердце полагаяй.
Радуйся, Михаиле, великий Архистратиже, со всеми Небесными силами.

Кондак 6

Провозвестника тя Божиих судеб егда узре некогда Маное, недоумения и страха исполнися, мня не жити ктому на земли; научен же от жены своея о благости явления и кротости словес твоих, в радости о имевшем родитися, по словеси твоему, сыне своем Сампсоне, благодарне возопи Богу: Аллилуиа.

Икос 6

Возсиял еси пречудно славою, Михаиле, егда во образе человечесте пред Иисусом Навином стал еси, глаголя: иззуй сапог с ногу твоею, — аз есмь Архистратиг силы Господни. Таковому явлению твоему чудящеся, с любовию вопием ти:
Радуйся, боговенчанных глав неусыпный охранителю;
Радуйся, противляющихся власти, яко Божию повелению противящихся, скорый низложителю.
Радуйся, усмирителю народных треволнений;
Радуйся, незримый упразднителю злочестивых обычаев.
Радуйся, яко ты просвещаеши сомнящихся в час лютых недоумений;
Радуйся, яко ты исхищаеши искушаемых от пагубоносных наваждений.
Радуйся, Михаиле, великий Архистратиже, со всеми Небесными силами.

Кондак 7

Хотяй Владыка всяческих показати, яко жребии сынов человеческих не самослучайнии суть, но в Деснице Его выну содержатся, даде тя царствам земным заступника и хранителя, да племена и народы к вечному Царствию Божию уготовляеши; сего ради вси, ведущии о велицем служении твоем спасению человеческому, благодарне зовут Богу: Аллилуиа.

Икос 7

Новая чудеса показа нам, Архистратиже, тобою на земли всех чудес Творец и Владыка, егда храм, во имя твое созданный, от потопления водами речными дивно спасл еси, струям потока в недра земная устремитися повелевый; еже видя блаженный Архипп с духовными чады своими, благодарне к тебе возопи:
Радуйся, святых храмов Божиих несокрушимая оградо;
Радуйся, врагом веры Христовы необоримая преградо.
Радуйся, егоже велению стихии покоряются;
Радуйся, имже вси злобнии замыслы сокрушаются.
Радуйся, верным радость от Престола Вседержителя износящий;
Радуйся, неверных на стезю правды и истины приводящий.
Радуйся, Михаиле, великий Архистратиже, со всеми Небесными силами.

Кондак 8

Странное чудо силы твоея, Архистратиже Божий, уведе на себе Аввакум, егда по манию Божию восхитив, принесл еси его скоротечне от Иудеи в Вавилон, дати пищу Даниилу, в рове со львы заключену; темже удивлься превеликому действию силы твоея, возопи с верою: Аллилуиа.

Икос 8

Весь еси в вышних, Михаиле, Престолу Царя Славы предстояй, не далек еси и от нижних, ратуя выну со врагами спасения человеческаго; темже вси, вожделеннаго Отечества. Небеснаго достигнути хотящии, согласно тебе зовут:
Радуйся, начальниче трисвятаго ангельскаго пения;
Радуйся, земнородных присно готовый предстателю и хранителю.
Радуйся, прегордаго фараона с неверными египтяны поразивый страннообразно;
Радуйся, верныя иудеи путеводивый в пустыни преславно.
Радуйся, имже угасися пламень пещи вавилонския;
Радуйся, Михаиле, великий Архистратиже, со всеми Небесными силами.

Кондак 9

Вси иноцы Святыя Горы Афонския в радостный трепет приидоша, видяще, како богобоязненна отрока, неистовно от нечестивых златолюбцев во глубину морскую с камнем повержена, спасл еси; темже приявшая его обитель, именем твоим красующися, благодарне взывает ко Господу: Аллилуиа.

Икос 9

Витий глаголы и любомудров смыслы не довлеют ко изглаголанию силы твоея, Михаиле, како во едину нощь сто семьдесят и пять тысящ поразил еси от воев царя ассирийска Сеннахирима, да накажется прочее не хулити Имя Господне; мы же, почитающе святую ревность твою о славе Бога Истиннаго, с веселием зовем ти сице:
Радуйся, православных воинств непобедимый воеводо;
Радуйся, зловерных ратей страх и низложение.
Радуйся, правыя веры и богопочитания насадителю;
Радуйся, душевредных ересей и расколов искоренителю.
Радуйся, благочестивыя Маккавеи на поле брани многажды укрепивый;
Радуйся, нечестиваго вождя Антиохова Илиодора в самем храме поразивый.
Радуйся, Михаиле, великий Архистратиже, со всеми Небесными силами.

Кондак 10

Спастися хотящим нам буди помощник тверд, Архистратиже Божий, избавляяй и храняй нас от бед и напастей паче же от злых навыков и грехов наших, да, преспевающе в вере, надежде и любви Христове, с радостию о предивнем заступлении твоем ко Владыце Ангелов и человеков благодарне зовем: Аллилуиа.

Икос 10

Стена еси верующим человеком, Архистратиже Божий, и столп крепок во бранех со врагами видимыми и невидимыми; сего ради от сетей бесовских тобою избавляеми, благодарным сердцем и усты зовем сице:
Радуйся, врагом веры и сопротивником Святыя Церкве непобедимый противоборниче;
Радуйся, смиренным провозвестником Евангелиа неутомимый споспешниче.
Радуйся, во тьме зловерия седящих светом веры Христовы просвещаяй;
Радуйся, лжемудрием объюродевших на стезю истины и покаяния наставляяй.
Радуйся, грозный отмстителю кленущимся Именем Божиим всуе;
Радуйся, молниеносный карателю глумящихся безумие о таинствах святыя веры.
Радуйся, Михаиле, великий Архистратиже, со всеми Небесными силами.

Кондак 11

Пение всякое хвалебное побеждается множеством чудес твоих, Архистратиже Божий, яко совершена суть тобою не точию на небеси и на земли, но и в темных сенех преисподней, идеже глубиннаго змия связал еси узами силы Господней, да избавляемии от злобы его благословят Владыку небесе и земли, зовуще: Аллилуиа.

Икос 11

Светоносный служитель истины и чистоты богопочитания явился еси, Архистратиже, егда, провидя козни духа тьмы, воспретил еси ему Именем Божиим, да не дерзнет сокровенное тело почившаго вождя Израилева Моисеа явити ко обожению чувственным сыновом Израилевым; сего ради, чтуще ныне благосветлый собор твой, благодарне вопием ти:
Радуйся, чистоту боговедения во дни Ветхаго Завета среди иудеев сохранивый;
Радуйся, плевелы заблуждений во дни Новыя благодати многажды искоренивый.
Радуйся, языческих прорицалищ и кумиров истребителю;
Радуйся, христианских подвижников и страстотерпцев укрепителю.
Радуйся, немощныя духом силою благодати Божия исполняяй;
Радуйся, изнемогающия плотию всеоружием веры облекаяй.
Радуйся, Михаиле, великий Архистратиже, со всеми Небесными силами.

Кондак 12

Благодать от Бога с Небесе испроси нам, поющим во славу всечестнаго имене твоего, Михаиле, да, осеняеми твоим заступлением, во всяком благочестии и чистоте поживем, дондеже, отрешеннии смертию от уз плоти, сподобимся предстати огнезрачному Престолу Царя славы и с лики ангельскими возопити: Аллилуиа.

Икос 12

Поюще многообразная твоя чудеса, Михаиле, во спасение наше содеянная, молим Господа и Владыку всяческих, да дух ревности по славе Божией, иже в тебе, николиже оскудеет и в нас, зовущих ти сице:
Радуйся, верных рабов Божиих во время благопотребно на высоту власти предивне поставляяй;
Радуйся, продерзых и недостойных с высоты силы и славы незримо низлагаяй.
Радуйся, в день последний избранных от четырех концов земли имеяй собрати;
Радуйся, имже грешныя, яко плевелы, по гласу Божию огню вечному преданы будут.
Радуйся, имже сатана со ангелы его во езеро огненное на веки повергнется;
Радуйся, имже праведниц во обителех Отца Небеснаго преславне водворятся.
Радуйся, Михаиле, великий Архистратиже, со всеми Небесными силами.

Кондак 13

О пречудный Архангелов и Ангелов начальниче, за предивное служение твое спасению рода человеческаго приими от нас возносимый к тебе ныне глас хвалы и благодарения и, яко исполнь силы Божией, покрый нас невещественныма крилома твоима от всех враг видимых и невидимых, да прославляемому тобою и прославившему тя Господу выну зовем: Аллилуиа.

(Этот кондак читается трижды, затем икос 1 и кондак 1)

 

Икос 1

Яко ангельских огнезрачных ликов предстоятеля, ангельскими убо и языки подобаше восхвалити тя, Михаиле; но дондеже вразумляемии тобою навыкнем безплотных глаголом, услыши, аще и от человеческих, обаче благодарных устен, сицевая:
Радуйся, звездо мира первообразная;
Радуйся, свеще истины и правды златозарная.
Радуйся, лучей света несозданнаго первый во ангельских ликостояниях приемниче;
Радуйся, Ангелов начальниче.
Радуйся, в нем же наивящше светлеется слава Творческия Десницы;
Радуйся, имже красуются соборы всех существ безплотных.
Радуйся, Михаиле, великий Архистратиже, со всеми Небесными силами.

Кондак 1

Избранный Небесных сил воеводо и рода человеческаго заступниче, сие тебе, иже тобою от скорбных избавляеми, благодарственное приносим пение: ты же, яко предстояй Престолу Царя Славы, от всяких нас бед свобождай, да с верою и любовию в похвалу тебе зовем: Радуйся, Михаиле, великий Архистратиже, со всеми Небесными силами.

 


 

АКАФИСТ СВЯТЫМ И БЕСПЛОТНЫМ СИЛАМ

 

Как правильно читать акафист

Кондак 1

Святии Безплотнии силы, у Престола Вседержителя предстоящии и непрестанно трисвятую песнь Ему вопиющии, достойно ублажим и восхвалим вас, скорых молитвенников и заступников наших во всяких нуждах и печалях, и с благодарением вопием вам сице:
Радуйтеся, вси святии Безплотнии силы.

Икос 1

Святии Серафимы, Херувимы, Престолы и Власти, Господствия, Силы и Начала, Архангелы и Ангелы, любовию ко Господу и Творцу непрестанно горящии, и всем нам спастися хотящии, сего ради мы вам, грешнии, воспевати дерзаем:
Радуйтеся, преславные Серафимы и Херувимы;
Радуйтеся, победоносные Престолы, Господствия и Силы.
Радуйтеся, богомудрые Власти и Начала;
Радуйтеся, пресветлые Архангелы и Ангелы сущии от начала.
Радуйтеся, слуги Божии непоколебимии;
Радуйтеся, Владыки Христа други вернии.
Радуйтеся, святии посланницы Божии;
Радуйся, и ты, святый Ангеле-Хранителю мой.
Радуйтеся, вси святии Безплотнии силы.

Кондак 2

«Станем добре, станем со страхом Божиим!» — возгласил еси, Архистратиже Михаиле, увлекая за собою воинство Небесное противу падшаго Денницы и сокрушил еси гордаго, сего ради вопием Богу: Аллилуиа.

Икос 2

Добрый и бесстрашный Воеводо воинства Небеснаго, Архангеле Михаиле, се бо непоколебимо предстоиши пред Престолом Царя царей горя любовию ко Господу и помогаеши нам низлагати всякое малодушие и гордость, сего ради вопием ти сице:
Радуйся, о силе Божией громогласно возвещающий;
Радуйся, от страхований вражиих избавляющий.
Радуйся, мечом ревности по Богу на дьявола, яко льва рыкающего, вооружающий;
Радуйся, сатану страхом яко громом поражающий.
Радуйся злословящим Имя Господне и рабов Божиих грозное отмщение;
Радуйся, мучеников и исповедников Христовых утверждение.
Радуйся, изгнанных правды ради благословение;
Радуйся, Архистратиже Михаиле, наше умиление.
Радуйтеся, вси святии Безплотнии силы.

Кондак 3

Шестокрилатые Серафимы, яко звезды лучезарные пламенем любве к Создателю неустанно горящии, попалите наши страсти, да вопием Богу: Аллилуиа.

Икос 3

Иже Серафимы, скверны греховные наши еще издалеча пожигающии и любовию к Богу сердца исполняющии, сего ради вопием вам сице:
Радуйтеся, от жестосердия избавляющии;
Радуйтеся, любовь и милосердие источающии.
Радуйтеся, всепрощением Божиим кающихся грешников укрепляющии;
Радуйтеся, духовные раны их исцеляющии.
Радуйтеся, яко стражи в пламенных доспехах любви Божией на тверди Небесной незыблимо пребывающии;
Радуйтеся, о мире и благоденствии на земле Бога молящии.
Радуйтеся, шестокрилатые Серафимы;
Радуйтеся, сокрушители адской силы.
Радуйтеся, вси святии Безплотнии силы.

Кондак 4

Многоочитые Херувимы, силы и мудрости Божией исполненные, научите нас истинному покаянию, да вопием Богу: Аллилуиа.

Икос 4

Иже Херувимы, тайнам Пресвятой Троицы служащии и богопознанию нас научающии, сего ради вопием вам сице:
Радуйтеся, лжемудрования яко грозными секирами правдой Божией отсекающии;
Радуйтеся, смиренномудрие насаждающии.
Радуйтеся, премудрости Божией научающии;
Радуйтеся, душевные очи незримо хранящии.
Радуйтеся, яко Небесные колесницы к познанию Бога возносящии;
Радуйтеся, «Свят,Свят,Свят Господь Саваоф» немолчно вопиющии.
Радуйтеся, многоочитые Херувимы;
Радуйтеся, усмирители всякой гордыни.
Радуйтеся, вси святии Безплотнии силы.

Кондак 5

Огненные Престолы, непостижимо Самого Бога носящии и раболепно Ему служащии, утвердите нас во исповедании святой веры православной, да вопием Богу: Аллилуиа.

Икос 5

Иже Престолы, Небесные Умы, велие дерзновение ко Господу Вседержителю имущии и правосудию Его вершиться помогающии, сего ради вопием вам сице:
Радуйтеся, от лености и нерадения охраняющии;
Радуйтеся, лукавство истребляющии.
Радуйтеся, спасительному страху Божию научающии;
Радуйтеся, твердою божественною ревностию яко грозным всеоружием пылающии.
Радуйтеся, яко огненные столпы для судов Божиих поставленные;
Радуйтеся, всеми верными прославляемые.
Радуйтеся, могущественные Престолы;
Радуйтеся, победители всякой злобы.
Радуйтеся, вси святии Безплотнии силы.

Кондак 6

«Радуйся Благодатная, Господь с Тобою!» — благовествовал еси, Архангеле Гаврииле, Владычице Богородице тайну воплощения Сына Божия, сего ради вопием Богу: Аллилуиа.

Икос 6

Сокровенные тайны Божии, Архангеле Гаврииле, человеческому роду открываеши и сердца наши святым смирением и веселием духовным исполняеши, сего ради вопием ти сице:
Радуйся, в смирение яко в панцырь облекающий;
Радуйся, к благородству духовному причащающий.
Радуйся, в небесные своды путем смирения восходить указующий;
Радуйся, роду людскому благовестием о воплощении Бога-Слова к Приснодеве Марии послуживший.
Радуйся, к созерцанию Нетварнаго света привлечение;
Радуйся, апостолов Христовых укрепление.
Радуйся, миротворцев благословение;
Радуйся, Архангеле Гаврииле, наше умиление.
Радуйтеся, вси святии Безплотнии силы.

Кондак 7

От Бога, для явления Его любви и милосердия к людем послан был еси, Архангеле Рафаиле, к Товии, да исцелиши отца его Товита и Сарру от недугов телесных и душевных, сего ради вопием Пресвятой Животворящей Троице: Аллилуиа.

Икос 7

Архангеле Рафаиле, от болезней душевных и телесных нас исцеляеши и ожесточенные сердца милосердием исправляеши, сего ради вопием ти сице:
Радуйся, благочестивых браков устроитель чудный;
Радуйся, исцеление от болезней и недугов дарующий.
Радуйся, делам милосердия помогающий;
Радуйся, яко пламенным щитом от самолюбия и сладострастия ограждающий.
Радуйся, воздержанию научающий;
Радуйся, безмездников Христовых радование.
Радуйся, милостивых благословение;
Радуйся, Архангеле Рафаиле, наше умиление.
Радуйтеся, вси святии Безплотнии силы.

Кондак 8

«Какой сосуд вместит в себя путь Всевышняго?» — тако, Архангеле Урииле, вразумлял еси Ездру, да познает премудрость Божию, сего ради вопием Богу: Аллилуиа.

Икос 8

Светом Божиим, Архангеле Урииле, от тьмы ересей нас просвещаеши и познанию истины во Христе, Господе нашем, научаеши, сего ради вопием ти сице:
Радуйся, всякое лукавство якоже из лука стрелами света истины и правды Божией поражающий;
Радуйся, верных в житии честном и целомудренном созидающий.
Радуйся, всякий блуд телесный и духовный яко молнией истребляющий;
Радуйся, победу над неверием дарующий.
Радуйся, в истинном православии утверждение;
Радуйся, святителей Христовых умудрение.
Радуйся, чистых сердцем благословение;
Радуйся, Архангеле Урииле, наше умиление.
Радуйтеся, вси святии Безплотнии силы.

Кондак 9

Богом к погибающим от зноя в пустыне безводней Агари и отроку послан был еси, Архангеле Селафииле, да к колодезю путь им покажеши и спасеши от лютой смерти, сего ради вопием Богу: Аллилуиа.

Икос 9

Чистой молитве к Богу, Архангеле Селафииле, нас научаеши и ближнего по заповеди Господней прощати призываеши, сего ради вопием ти сице:
Радуйся, в латы кротости сопротив князя тьмы облекающий;
Радуйся, страстный огнь памятозлобия угашающий.
Радуйся, образ Божий в ближнем показующий;
Радуйся, к состраданию, долготерпению и прощению тем преклоняющий.
Радуйся, покров от браней и упокоение;
Радуйся, преподобных Христовых утешение.
Радуйся, кротцых благословение;
Радуйся, Архангеле Селафииле, наше умиление.
Радуйтеся, вси святии Безплотнии силы.

Кондак 10

Рече Господь Саваоф, рабу Своему Моисею: «Имя Мое на нем» — тако ты Архангеле Иегудииле, сугубо от Него прославлен еси, сего ради величаем тя и почитаем служение твое народу Израильскому, яко шествовал пред ним для покорения земли Ханаанской и вопием Богу: Аллилуиа.

Икос 10

Неутомимый ревнителю славы Божией, Архангеле Иегудииле, от страсти уныния и лености избавляеши и праведно славити Господа Иисуса Христа научаеши, сего ради вопием ти сице:
Радуйся, яко звезда утренняя, от тьмы уныния просвещающий;
Радуйся, маловерие и безволие от рабов Божиих яко острым копием прободающий и отгоняющий.
Радуйся, тобою, в мужественное трезвение облекаемся;
Радуйся, тобою, от лукавых внушений и прелести духовной очищаемся.
Радуйся, от духов злобы поднебесных охранитель славный;
Радуйся, праведных защититель сильный.
Радуйся, алчущих и жаждущих правды благословение;
Радуйся, Архангеле Иегудииле, наше умиление.
Радуйтеся, вси святии Безплотнии силы.

Кондак 11

Благословение от Бога, Архангеле Варахииле, всем верным на всякое дело благое посылаеши, да научимся делам богоугодным и вопием Богу: Аллилуиа.

Икос 11

Пред Господом Вседержителем, Архангеле Варахииле, предстоиши и на всех путех спасения нас защищаеши, сего ради вопием ти сице:
Радуйся, богопротивнаго златаго тельца сокрушающий;
Радуйся, в светлую броню нестяжания облекающий.
Радуйся, за усопших молиться напоминающий;
Радуйся, всем верным радость духовную дарующий.
Радуйся, великодушных странноприимцев покровителю чудный;
Радуйся, о Христа ради юродивых попечителю дивный.
Радуйся, нищих духом благословение;
Радуйся, Архангеле Варахииле, наше умиление.
Радуйтеся, вси святии Безплотнии силы.

Кондак 12

«Всевышний на весах взвесил век сей» — тако умудрял еси, Архангеле Иеремииле, Ездру, да познает суетность мира сего, и вопиет Богу: Аллилуиа.

Икос 12

К покаянию сердца наши хладные, Архангеле Иеремииле, приклоняеши, — да омоемся, яко дождем покаянными и сокрушенными слезами о содеянных грехах и удалимся от печали по тленному миру сему, сего ради вопием ти сице:
Радуйся, к отверзающему Небеса покаянному и спасительному плачу о грехах, преклоняющий;
Радуйся, от геенны огненной спасающий.
Радуйся, безумие мира сего, палицей ведения промысла Божия сокрушающий;
Радуйся, мудростью духовной разум напояющий.
Радуйся, стезей ко Господу исправление;
Радуйся, пророков Божиих возвышение.
Радуйся, плачущих благословение;
Радуйся, Архангеле Иеремииле, наше умиление.
Радуйтеся, вси святии Безплотнии силы.

Кондак 13

О святое Небесное воинство, просим вас мы, грехми отягченные, да не погибнем в беззакониях наших, но молите Господа за нас, да пощадит, и помилует, и спасет нас по велицей Своей милости, сего ради вопием Ему: Аллилуиа

(Этот кондак читается трижды, затем икос 1 и кондак 1)

Икос 1

Святии Серафимы, Херувимы, Престолы и Власти, Господствия, Силы и Начала, Архангелы и Ангелы, любовию ко Господу и Творцу непрестанно горящии, и всем нам спастися хотящии, сего ради мы вам, грешнии, воспевати дерзаем:
Радуйтеся, преславные Серафимы и Херувимы;
Радуйтеся, победоносные Престолы, Господствия и Силы.
Радуйтеся, богомудрые Власти и Начала;
Радуйтеся, пресветлые Архангелы и Ангелы сущии от начала.
Радуйтеся, слуги Божии непоколебимии;
Радуйтеся, Владыки Христа други вернии.
Радуйтеся, святии посланницы Божии;
Радуйся, и ты, святый Ангеле-Хранителю мой.
Радуйтеся, вси святии Безплотнии силы.

Кондак 1

Святии Безплотнии силы, у Престола Вседержителя предстоящии и непрестанно трисвятую песнь Ему вопиющии, достойно ублажим и восхвалим вас, скорых молитвенников и заступников наших во всяких нуждах и печалях, и с благодарением вопием вам сице:
Радуйтеся, вси святии Безплотнии силы.

hram-kupina.ru

Молитва Архангелу Михаилу — очень сильная защита и оберег

Молитва Михаилу Архангелу имеет очень сильное влияние, но только в том случае если человек искренне попросит. Если каждый день читать молитву Святому Архангелу Михаилу, то можно получить сильную защиту и оберег от лукавого, злых людей, сглаза, всех искушений и трагических событий.

Святому Архангелу Михаилу молятся о защите от злых сил

Молитва Архангелу Михаилу — сильнейшая защита и оберег

Господи, Боже Великий, Царю безначальный, пошли Архангела Твоего Михаила на помощь рабам Твоим (имена). Защити, Архангеле, нас от врагов, видимых и невидимых.

О Господень Великий Архангеле Михаиле! Запрети всем врагам, борющим меня, и сотвори их яко овцы, и смири их злобные сердца, и сокруши их, яко прах пред лицем ветра.

О Господень Великий Архангеле Михаиле! Шестикрылатых первый княже и воевода Небесных Сил – Херувимов и Серафимов, буди нам помощник во всех бедах, в скорбях, в печалях, в пустыни и на морях тихое пристанище!

О Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся тебе и призывающих имя твое святое.

Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятые Богородицы, молитвами святых апостолов, святителя чудотворца Николая, Андрея, Христа ради юродивого, святаго пророка Илии, и всех святых великомучеников: Никиты и Евстафия, и всех преподобных отцев наших, от века Богу угодивших и всех святых Небесных Сил.

О Господень Великий Архангеле Михаиле! Помози нам, грешным (имена), избави нас от труса, потопа, огня, меча и на

zavedeno.com

Молитвы Михаилу Архангелу: полное собрание

Молитва архангелу Михаилу изменяющая судьбу (19 сентября)

 
Великий Царь наш, Господь Бог Безначальный.

Да ниспошли ты мне помощь великую, да придет Михаил, Архангел Твой в дом мой, рабу твоему (имярек) помогая, и буду изъят я от козней врагов моих как видимых, так и невидимых.

Да услышь ты меня, Архангел Господень, Михаиле Великий. Ты демонов сокрушителем являющийся, помоги мне от козней врагов моих, кои со мною в борьбу вступили, да и сокруши их яко прах, коей на ветер выброшенный был.

О, Господень Великий Архангеле Михаиле, ты шестикрылый князь первый есть, да воевода сил небесных Херувим.

Архангеле Господень, стань помощником мне во всех начинаниях моих, обидах разных, або скорбях великих с печалями насущными.

Або на распутье, або в пустынях, або на водной глади защити меня (имярек), да тихое пристанище дай мне.

Да прошу тебя, Аргангел Господень, избавити меня от прельщений диявольских, кои в жисти моей являются, и услышь раба своего (имярек) молящегося да тебя призывающего, або имя твое.

Приди на помощь мне в час скрутный, ибо молитва моя к тебе обращена.

Победи вся противящееся мне силою Честнаго и Животворящаго Небеснаго Креста Господня, молитвами Пресвятыя Богородицы и святых великомучеников Никиты и Евстафия, преподобных отец и святых святителей, мучеников и всех святых Небесных сил.

Аминь.

Да прошу тебя о немногом я, о, Великий Михаиле Архангеле, всего лишь о помощи малой рабу грешному твоему (имя), дабы от трусости меня ненужной избавить.
Да не придет в жизнь мою потом великий, або огонь с мечем нежданные, враг льстивый не придет ко мне, а буря на воде не застанет.

Нашествие меня не коснется, и от лукавого избавлюсь я. Избавь меня от всего этого, Архангеле, всегда, ныне и присно, и во веки веков.

Аминь.

А прошу тебя, Cвятый Архангеле Михаиле Божий, коли родные мои сородники (усопших имена читаются) в озере огненном оказались, то помоги им крылом своим благословенным из огня того вечного выйти невредимыми, да к Божию престолу великому приведи.

И помоги Господа Иисуса Христа нашего умолить, дабы грехи их прощены навсегда были.

О, святой Архистратиже Божий Михаиле! Твой меч молниеносный да отженит дух лукавый всякий от меня, дабы не искушал и не томил меня он.

Аминь.

mymolitva.ru

Акафист Архангелу Михаилу: эта молитва

Содержание страницы

Архангел Михаил и все Небесные силы бесплотные

Архистратиг Михаил
Иконография:
Михаил, архангел
Датировки: XX в. 1904
Иконописец: Кубрин Михаил (?) Трофимович
Материал: Дерево, темпера, позолота
Размеры иконы: высота 22 см, ширина 27 см
Архистратиг изображён в рост, в воинском облачении, в левой руке он держит щит, а в правой огненный меч.

  Священное Писание повествует «Въ нача́лѣ сотвори́ Бо́гъ не́бо и зе́млю». Святоотеческая традиция видит в этих словах прямое указание на сотворение мира ангельского или мира бесплотных духов. В православной культуре, слово «небо»  употребляется в качестве синонима для всего духовного, нематериального.  

В каких случаях обращаются к Архангелу

Со времен сотворения мира, ангелы Божьи незримо сопутствуют нам в нашем жизненном пути, защищают от злых сил, утешают, помогают в беде. Священное предание описывает их, как существ бессмертных, светоносных. Они — светозарные бесплотные духи, пребывающих в общении с Господом, исполнители Его воли. В переводе с греческого ангел — вестник. Крылья, — непременный атрибут иконописного изображения ангела — символ быстроты. 

Полезные материалы

 

По учению св. Дионисия Ареопагита «О небесной иерхахии», архангелы благовествуют людям тайны и пророчества Божии, укрепляют веру, просвещают разум 

В новейшей православной традиции Церковью читается акафист архангелу Михаилу, составленный святителем Иннокентием Херсонесским в конце девятнадцатого века.  

Архангел Михаил — Богоявление. Двусторонняя икона.
Иконография:
Михаил, архангел
Датировки: XVII в. Около 1600 года.
Иконописная школа или художественный центр:
Крит.
Материал: Дерево, левкас, темпера
Размеры иконы: высота 80,5 см, ширина 65 см
Инв. № ИVIII 5228 ГИМ 54722. ‘Исторический музей’

Архистратиг Божий Михаил — сильный защитник людей от всякого зла

Предание рассказывает об архангеле Михаиле, неустрашимом архистратиге сил ангельских. В переводе с иврита, имя Михаил означает «Кто как Бог», происхождение его легендарно.  

Когда один из самых прекрасных ангелов, сотворенных Богом, по имени Денница или «Заря» (в западной христианской традиции, Люцифер) решил занять место Бога, то стал вести войну против Него. Денница ложью увлек за собой треть ангельского мира. Тогда один из архангелов воскликнув, — «Кто как Бог?» и повел за собой оставшееся ангельское воинство на битву с Денницей. И победил его. В честь Господа архангел стал зваться Михаилом почитается как победитель зла, заступник за все благое.  

Некоторые святые отцы полагают, что главной причиной восстания ангелов, было их нежелание поклониться человеку, сражаясь с Денницей, архангел Михаил заступился и за человеческий род, почитая образ и подобие Господа в человеке. Поэтому ему принять молиться о защите от любых злых деяний, направленных в том числе, и против христианской веры. 

«От бед избавь нас, как начальник Вышних Сил!» (Тропарь).

Акафист прославляет помощь архангела народу Божьему (Израилю), многочисленные чудеса Михаила, описанные в Священном Писании, например, явление ангела с обнаженным мечом, ветхозаветному военачальнику, Иисусу Навину. Толкуется, как пророчество о его скорой победе, — взятии города Иерихона. 

Считается, что именно Михаил, тот ангел, которого Господь поставил охранять райские врата в Эдеме. Архангел Божий, Михаил несколько раз упоминается на страницах Священного Писания, в Откровении Ионна Богослова он ведет войну против сатаны —

«И произошла на небе война: Михаил и Ангелы его воевали против дракона, и дракон и ангелы  его  воевали против них, но не устояли, и не нашлось уже для них места на небе. И низвержен был великий дракон, древний змий, называемый диаволом и сатаною». 

Чудо в Хонех

Чудо Архистратига Михаила, бывшее в Хонех

Акафистом архангелу Михаилу и Священным Преданием хранится воспоминание о чуде, сотворенном Михаилом в городе Хоны, ранее Колоссы (греческий город, в четвертом веке располагался в современных границах Турции). Общине этого города написано  «Послание к Колоссянам» апостола Павла. 

Неподалеку от города, рядом с целебным источником, был построен храм архангела Михаила. Связано это с чудом исцеления немой девицы. Её отцу, благочестивому горожанину, во сне явился архангел и научил дать дочери воду из источника, девушка выпила ее и исцелилась, а благодарный отец построил храм архангела Михаила, быстро ставший центром местной христианской общины.  

Чудо обратило к вере многих жителей города и противостояние между язычеством и новой нарождающейся  верой, и ранее бывшее в этих местах, усилилось. Некоторые жители города, раздраженные стечением народа к святыне и проповедью благочестивого старца Архиппа, жившего при храме, решились погубить его. 

Храм находился в гористой местности, между двух рек и язычники решили объединить реки, направив их мощный поток на дом Божий. Когда стали исполнять задуманное, появился архангел и ударил жезлом о скалу, в этом месте земля обвалилась, образовалась расселина и поток воды устремился по новому руслу, минуя храм. Чудо, произошедшее на глазах неудачливых инженеров, повергло их в бегство. 

Сюжет запечатлен на иконе, а чудо вспоминается Церковью шестого сентября. Так Колоссы получили новое название — Хоны, «отверстие» или «расселина». 

Акафист архангелу Михаилу воспевает чудо в Хонех в своем пятом кондаке и седьмом икосе.   

Почему этот акафист читают по понедельникам

Собор Архистратига Михаила и всех Небесных сил

Акафист читается по понедельником, в этот день Церковь традиционно чтит все ангельские силы, призывая Небесные Силы Бесплотные. Читать акафист можно и дома, в любой день, перед иконой архангела Михаила.

В чем помогает верующим чтение этого акафиста

За чтением просят архангела уберечь душу христианскую от злых враждебных сил, защитить, помочь в борьбе со страстями, дать напутствие в жизни. Михаилу, как предводителю Воинства Небесного, молятся матери, чьи дети исполняют свой воинский долг и сами военные. 

Автор: Ксения Филина

 

Акафист Архангелу Божию Михаилу

Конда́к 1.

Избра́нный Небе́сных си́л воево́до и ро́да челове́ческаго засту́пниче, сие́ тебе́ и́же тобо́ю от ско́рбных избавля́еми, благода́рственное прино́сим пе́ние: ты́ же, я́ко предстоя́й Престо́лу Царя́ Сла́вы, от вся́ких на́с бе́д свобожда́й, да с ве́рою и любо́вию в похвалу́ тебе́ зове́м:

Ра́дуйся, Михаи́ле, вели́кий Архистрати́же, со все́ми Небе́сными си́лами.

И́кос 1.

Я́ко а́нгельских огнезра́чных лико́в предстоя́теля, а́нгельскими у́бо и язы́ки подоба́ше восхвали́ти тя́, Михаи́ле: но до́ндеже вразумля́еми тобо́ю навы́кнем безпло́тных глаго́лом, услы́ши, а́ще и от челове́ческих, оба́че благода́рных усте́н, сицева́я:

Ра́дуйся, звездо́ ми́ра первообра́зная; ра́дуйся, свеще́ и́стины и пра́вды златоза́рная.

Ра́дуйся, луче́й све́та несозда́ннаго пе́рвый во а́нгельских ликостоя́ниих прие́мниче; ра́дуйся, А́нгелов и Арха́нгелов нача́льниче.

Ра́дуйся, в не́мже наивя́щше светле́ется сла́ва Тво́рческия Десни́цы; ра́дуйся, и́мже красу́ются собо́ры все́х суще́ств безпло́тных.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 2.

Прови́дяще ве́ры очеса́ми вели́чие духо́вныя красоты́ и си́лу молниено́сныя десни́цы твоея́, Арха́нгеле Бо́жий, мы́, я́ко земни́и и пло́тию обложе́ннии, удивле́нием, ра́достию и благодаре́нием ко Творцу́ вся́ческих исполня́емся, зову́ще со все́ми Небе́сными си́лами: Аллилу́иа.

И́кос 2.

Ра́зум чи́ст и свобо́ден от страсте́й испроси́ на́м, пречу́дный Михаи́ле, Небе́сных чино́в нача́льниче, да, возне́сшеся мы́слию от земны́х к Небе́сным, хвале́бную пе́снь воспое́м ти́ си́це:

Ра́дуйся, Бо́жия неизрече́нныя красоты́ и добро́ты ближа́йший зри́телю; ра́дуйся, всеблаги́х сове́тов Пресвяты́я Тро́ицы преи́скренний таи́нниче.

Ра́дуйся, преве́чных суде́б Тро́ических ве́рный исполни́телю; ра́дуйся, ему́же с любо́вию удивля́ются Небе́сная во́инства.

Ра́дуйся, его́же с ве́рою прославля́ют земноро́днии; ра́дуйся, его́же трепе́щут а́дския си́лы.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 3.

Си́лу необори́мыя ре́вности по сла́ве Бо́жией в себе́ явля́я, ста́л еси́ во главе́ лико́в а́нгельских, Михаи́ле, проти́ву ды́шащаго зло́бою, прего́рдаго денни́цы, ему́же со те́мными клевре́ты его́ с высоты́ небе́сныя в преиспо́днюю низве́ржену су́щу, во́инства Небе́сная, тобо́ю пресла́вне води́мая, с весе́лием, я́ко еди́ными усты́, пред Престо́лом Бо́жиим возгласи́ша: Аллилу́иа.

И́кос 3.

И́мать тебе́, Арха́нгеле Михаи́ле, ве́сь ро́д христиа́нский вели́ка засту́пника и ди́вна во бра́нех с проти́вными помо́щника: сего́ ра́ди пречу́днаго покро́ва твоего́ сподо́битися жела́юще, в де́нь торжества́ твоего́ взыва́ем ти́ си́це:

Ра́дуйся, и́мже сатана́, я́ко мо́лния, с Небесе́ низве́ржеся; ра́дуйся, и́мже храни́мый ро́д челове́ческий к Небеси́ восхо́дит.

Ра́дуйся, всесве́тлаго ми́ра Го́рняго преди́вное украше́ние; ра́дуйся, па́дшаго ми́ра до́льняго пресла́вное заступле́ние.

Ра́дуйся, николи́же си́лами зла́ побежде́нный; ра́дуйся, со все́ми А́нгелы Бо́жиими во и́стине и пра́вде на ве́ки благода́тию Бо́жиею утвержде́нный.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 4.

Бу́ри искуше́ний и бе́д изба́ви на́с, А́нгелов первопресто́льниче, с любо́вию и ра́достию пресве́тлое торжество́ твое́ соверша́ющих: ты́ бо еси́ в беда́х вели́кий помо́щник и в ча́с сме́рти от злы́х духо́в храни́тель и засту́пник все́х вопию́щих твоему́ и на́шему Влады́це и Бо́гу: Аллилу́иа.

И́кос 4.

Ви́дяще твое́ проти́ву по́лчищ сатани́нских дерзнове́ние, вси́ чи́нове а́нгельстии с ра́достию подвиго́шася восле́д тебе́ на бра́нь за и́мя и сла́ву своего́ Влады́ки, вопию́ще: кто́ я́ко Бо́г? Мы́ же, ве́дуще сатану́ под нога́ма твои́ма пове́ржена, тебе́, я́ко победи́телю, зове́м:

Ра́дуйся, и́мже ми́р и тишина́ на Небеси́ водвори́шася; ра́дуйся, от него́же ду́хове зло́бы да́же до а́да низложи́шася.

Ра́дуйся, а́нгельския во́инства и си́лы ми́ра неви́димаго ко истребле́нию зла́ направля́яй; ра́дуйся, прю́ и возмуще́ние стихи́й ми́ра ви́димаго незри́мо укроща́яй.

Ра́дуйся, подъе́млющих бра́нь к духово́м зло́бы поднебе́сным ди́вный спобо́рниче; ра́дуйся, изнемога́ющих во искуше́ниих и напа́стех ве́ка сего́ кре́пкий помо́щниче.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 5.

Богото́чный исто́чник превели́ких чуде́с яви́лся еси́ во хра́ме твое́м, и́же в Хо́нех; не то́чию бо зми́й вели́кий и стра́шный, на ме́сте то́м пребыва́вый, си́лою твое́ю потреби́ся, но и струи́ водны́я, вся́кий неду́г теле́сный врачу́ющия, откры́шася, да вси́ прославля́ющему тя́ Влады́це А́нгелов с ве́рою зову́т: Аллилу́иа.

И́кос 5.

Слы́шаще и ве́дуще тя́ я́ко свети́ло вели́кое, посреде́ лико́в а́нгельских блиста́ющася, пречу́дный Михаи́ле, к тебе́, по Бо́зе и Пресвяте́й Ма́тери Бо́жией, прибега́ем: озари́ луча́ми све́та твоего́ все́х на́с, вопию́щих ти́ си́це:

Ра́дуйся, вождю́ и храни́телю в пусты́ни наро́да богоизбра́ннаго; ра́дуйся, высо́кий посре́дниче зако́на, руко́ю Моисе́а на Сина́и да́ннаго.

Ра́дуйся, у него́же судии́ и вожди́ Изра́илевы си́лу и покро́в обрета́ху; ра́дуйся, чрез него́же проро́цы и первосвяще́нницы иуде́йстии да́р ве́дения от всеве́дущаго Бо́га приима́ху.

Ра́дуйся, богобоя́зненныя законода́вцы та́йною прему́дростию снабдева́яй; ра́дуйся, су́д и пра́вду творя́щим бла́гость на се́рдце полага́яй.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 6.

Провозве́стника тя́ Бо́жиих суде́б егда́ узре́ не́когда Мано́е, недоуме́ния и стра́ха испо́лнися, мня́ не жи́ти ктому́ на земли́; науче́н же от жены́ своея́ о бла́гости явле́ния и кро́тости слове́с твои́х, в ра́дости о име́вшем роди́тися, по словеси́ твоему́, сы́не свое́м Сампсо́не, благода́рне возопи́ Бо́гу: Аллилу́иа.

И́кос 6.

Возсия́л еси́ пречу́дно сла́вою, Михаи́ле, егда́ во о́бразе челове́честе пред Иису́сом Нави́ном ста́л еси́, глаго́ля: Иззу́й сапо́г с ногу́ твое́ю: а́з е́смь Архистрати́г си́лы Госпо́дни. Таково́му явле́нию твоему́ чудя́щеся, с любо́вию вопие́м ти́:

Ра́дуйся, боговенча́нных гла́в неусы́пный охрани́телю; ра́дуйся, противля́ющихся вла́сти, я́ко Бо́жию повеле́нию проти́вящихся, ско́рый низложи́телю.

Ра́дуйся, усмири́телю наро́дных треволне́ний; ра́дуйся, незри́мый упраздни́телю злочести́вых обы́чаев.

Ра́дуйся, я́ко ты́ просвеща́еши сомня́щихся в ча́с лю́тых недоуме́ний; ра́дуйся, я́ко ты́ исхища́еши искуша́емых от пагубоно́сных наважде́ний.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 7.

Хотя́й Влады́ка вся́ческих показа́ти, я́ко жре́бии сыно́в челове́ческих не самослуча́йнии су́ть, но в десни́це Его́ вы́ну содержа́тся, даде́ тя́ ца́рствам земны́м засту́пника и храни́теля, да племена́ и наро́ды к ве́чному Ца́рствию Бо́жию уготовля́еши; сего́ ра́ди вси́, ве́дущии о вели́цем служе́нии твое́м спасе́нию челове́ческому, благода́рне зову́т Бо́гу: Аллилу́иа.

И́кос 7.

Но́вая чудеса́ показа́ на́м, Архистрати́же, тобо́ю на земли́ все́х чуде́с Творе́ц и Влады́ка, егда́ хра́м, во и́мя твое́ созда́нный, от потопле́ния вода́ми ре́чными ди́вно спа́сл еси́, струя́м пото́ка в не́дра земна́я устреми́тися повеле́вый: е́же ви́дя блаже́нный Архи́пп с духо́вными ча́ды свои́ми, благода́рне к тебе́ возопи́:

Ра́дуйся, святы́х хра́мов Бо́жиих несокруши́мая огра́до; ра́дуйся, враго́м ве́ры Христо́вы необори́мая прегра́до.

Ра́дуйся, его́же веле́нию стихи́и покаря́ются; ра́дуйся, и́мже вси́ зло́бнии за́мыслы сокруша́ются.

Ра́дуйся, ве́рным ра́дость от Престо́ла Вседержи́теля износя́щий; ра́дуйся, неве́рных на стезю́ пра́вды и и́стины приводя́щий.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 8.

Стра́нное чу́до си́лы твоея́, Архистрати́же Бо́жий, уве́де на себе́ Авваку́м, егда́ по ма́нию Бо́жию восхи́тив, прине́сл еси́ его́ скороте́чне от Иуде́и в Вавило́н, да́ти пи́щу Дании́лу, в ро́ве со львы́ заключе́ну: те́мже уди́влься превели́кому де́йствию си́лы твоея́, возопи́ с ве́рою: Аллилу́иа.

И́кос 8.

Ве́сь еси́ в вы́шних, Михаи́ле, Престо́лу Царя́ Сла́вы предстоя́й, не дале́к еси́ и от ни́жних, ра́туя вы́ну со врага́ми спасе́ния челове́ческаго: те́мже вси́ вожделе́ннаго Оте́чества Небе́снаго дости́гнути хотя́щии согла́сно тебе́ зову́т:

Ра́дуйся, нача́льниче трисвята́го а́нгельскаго пе́ния; ра́дуйся, земноро́дных при́сно гото́вый предста́телю и храни́телю.

Ра́дуйся, прего́рдаго фарао́на с неве́рными еги́птяны порази́вый страннообра́зно; ра́дуйся, ве́рныя иуде́и путеводи́вый в пусты́ни пресла́вно.

Ра́дуйся, и́мже угаси́ся пла́мень пещи́ вавило́нския; ра́дуйся, и́мже посрами́шася ко́зни бесо́вския.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 9.

Вси́ и́ноцы Святы́я Горы́ Афо́нския в ра́достный тре́пет приидо́ша, ви́дяще, ка́ко богобоя́зненна о́трока, неи́стовно от нечести́вых златолю́бцев во глубину́ морску́ю с ка́менем пове́ржена, спа́сл еси́: те́мже прия́вшая его́ оби́тель, и́менем твои́м красу́ющися, благода́рне взыва́ет ко Го́споду: Аллилу́иа.

И́кос 9.

Вети́й глаго́лы и любому́дров смы́слы не довле́ют ко изглаго́ланию си́лы твоея́, Михаи́ле, ка́ко во еди́ну но́щь сто́ о́смьдесят и пя́ть ты́сящ порази́л еси́ от во́ев царя́ ассири́йска Сеннахири́ма, да нака́жется про́чее не ху́лити и́мя Госпо́дне: мы́ же, почита́юще святу́ю ре́вность твою́ о сла́ве Бо́га И́стиннаго, с весе́лием зове́м ти́ си́це:

Ра́дуйся, правосла́вных во́инств непобеди́мый воево́до; ра́дуйся, злове́рных ра́тей стра́х и низложе́ние.

Ра́дуйся, пра́выя ве́ры и богопочита́ния насади́телю; ра́дуйся, душевре́дных ересе́й и раско́лов искорени́телю.

Ра́дуйся, благочести́выя Маккаве́и на по́ле бра́ни мно́гажды укрепи́вый; ра́дуйся, нечести́ваго вождя́ Антио́хова Илиодо́ра в саме́м хра́ме порази́вый.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 10.

Спасти́ся хотя́щим на́м бу́ди помо́щник тве́рд, Архистрати́же Бо́жий, избавля́яй и храня́й на́с от бе́д и напа́стей, па́че же от злы́х на́выков и грехо́в на́ших, да, преспева́юще в ве́ре, наде́жде и любви́ Христо́ве, с ра́достию о преди́внем заступле́нии твое́м, ко Влады́це А́нгелов и челове́ков благода́рне зове́м: Аллилу́иа.

И́кос 10.

Стена́ еси́ ве́рующим челове́ком, Архистрати́же Бо́жий, и сто́лп кре́пок во бране́х со врага́ми ви́димыми и неви́димыми: сего́ ра́ди от сете́й бесо́вских тобо́ю избавля́еми, благода́рным се́рдцем и усты́ зове́м си́це:

Ра́дуйся, враго́м ве́ры и сопроти́вником Святы́я Це́ркве непобеди́мый противобо́рниче; ра́дуйся, смире́нным провозве́стником Ева́нгелия неутоми́мый споспе́шниче.

Ра́дуйся, во тьме́ злове́рия седя́щих све́том ве́ры Христо́вы просвеща́яй; ра́дуйся, лжему́дрием объюро́девших на стезю́ и́стины и покая́ния наставля́яй.

Ра́дуйся, гро́зный отмсти́телю кляну́щимся и́менем Бо́жиим всу́е; ра́дуйся, молниено́сный кара́телю глумя́щихся безу́мне о та́инствех святы́я ве́ры.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 11.

Пе́ние вся́кое хвале́бное побежда́ется мно́жеством чуде́с твои́х, Архистрати́же Бо́жий, я́же соверше́на су́ть тобо́ю не то́чию на Небеси́ и на земли́, но и в те́мных се́нех преиспо́дней, иде́же глуби́ннаго зми́я связа́л еси́ у́зами си́лы Госпо́дни, да избавля́емии от зло́бы его́ благословя́т Влады́ку Небесе́ и земли́, зову́ще: Аллилу́иа.

И́кос 11.

Светоно́сный служи́тель и́стины и чистоты́ богопочита́ния яви́лся еси́, Архистрати́же, егда́, прови́дя ко́зни ду́ха тьмы́, воспрети́л еси́ ему́ и́менем Бо́жиим, да не де́рзнет сокрове́нное те́ло почи́вшаго вождя́ Изра́илева Моисе́а яви́ти ко обоже́нию чу́вственным сыново́м Изра́илевым: сего́ ра́ди, чту́ще ны́не благосве́тлый собо́р тво́й, благода́рне вопие́м ти́:

Ра́дуйся, чистоту́ богове́дения во дни́ Ве́тхаго Заве́та среди́ иуде́ев сохрани́вый; ра́дуйся, пле́велы заблужде́ний во дни́ Но́выя благода́ти мно́гажды искорени́вый.

Ра́дуйся, язы́ческих прорица́лищ и куми́ров истреби́телю; ра́дуйся, христиа́нских подви́жников и страстоте́рпцев укрепи́телю.

Ра́дуйся, немощны́я ду́хом си́лою благода́ти Бо́жией исполня́яй; ра́дуйся, изнемога́ющия пло́тию всеору́жием ве́ры облека́яй.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 12.

Благода́ть от Бо́га с Небесе́ испроси́ на́м, пою́щим во сла́ву всечестна́го и́мене твоего́, Михаи́ле, да, осеня́еми твои́м заступле́нием, во вся́ком благоче́стии и чистоте́ поживе́м, до́ндеже, отреше́ннии сме́ртию от у́з пло́ти, сподо́бимся предста́ти огнезра́чному Престо́лу Царя́ Сла́вы и с ли́ки а́нгельскими возопи́ти: Аллилу́иа.

И́кос 12.

Пою́ще многообра́зная твоя́ чудеса́, Михаи́ле, во спасе́ние на́ше соде́янная, мо́лим Го́спода и Влады́ку вся́ческих, да ду́х ре́вности по сла́ве Бо́жией, и́же в тебе́, николи́же оскуде́ет и в на́с, зову́щих ти́ си́це:

Ра́дуйся, ве́рных рабо́в Бо́жиих во вре́мя благопотре́бно на высоту́ вла́сти преди́вне поставля́яй; ра́дуйся, проде́рзых и недосто́йных с высоты́ си́лы и сла́вы незри́мо низлага́яй.

Ра́дуйся, в де́нь после́дний избра́нных от четы́рех конце́в земли́ име́яй собра́ти; ра́дуйся, и́мже гре́шнии, я́ко пле́велы, по гла́су Бо́жию, огню́ ве́чному пре́дани бу́дут.

Ра́дуйся, и́мже сатана́ со а́ггелы его́ во е́зеро о́гненное на ве́ки пове́ргнется; ра́дуйся, и́мже пра́веднии во оби́телех Отца́ Небе́снаго пресла́вне водворя́тся.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 13.

О пречу́дный Арха́нгелов и А́нгелов нача́льниче, за преди́вное служе́ние твое́ спасе́нию ро́да челове́ческаго приими́ от на́с возноси́мый к тебе́ ны́не гла́с хвалы́ и благодаре́ния, и я́ко испо́лнь си́лы Бо́жией, покры́й на́с невеще́ственныма крило́ма твои́ма от все́х вра́г ви́димых и неви́димых, да прославля́емому тобо́ю и просла́вившему тя́ Го́споду вы́ну зове́м: Аллилу́иа.

Этот конда́к читается трижды, затем 1-й и́кос и 1-й конда́к.

И́кос 1.

Я́ко а́нгельских огнезра́чных лико́в предстоя́теля, а́нгельскими у́бо и язы́ки подоба́ше восхвали́ти тя́, Михаи́ле: но до́ндеже вразумля́еми тобо́ю навы́кнем безпло́тных глаго́лом, услы́ши, а́ще и от челове́ческих, оба́че благода́рных усте́н, сицева́я:

Ра́дуйся, звездо́ ми́ра первообра́зная; ра́дуйся, свеще́ и́стины и пра́вды златоза́рная.

Ра́дуйся, луче́й све́та несозда́ннаго пе́рвый во а́нгельских ликостоя́ниих прие́мниче; ра́дуйся, А́нгелов и Арха́нгелов нача́льниче.

Ра́дуйся, в не́мже наивя́щше светле́ется сла́ва Тво́рческия Десни́цы; ра́дуйся, и́мже красу́ются собо́ры все́х суще́ств безпло́тных.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 1.

Избра́нный Небе́сных си́л воево́до и ро́да челове́ческаго засту́пниче, сие́ тебе́ и́же тобо́ю от ско́рбных избавля́еми, благода́рственное прино́сим пе́ние: ты́ же, я́ко предстоя́й Престо́лу Царя́ Сла́вы, от вся́ких на́с бе́д свобожда́й, да с ве́рою и любо́вию в похвалу́ тебе́ зове́м:

Ра́дуйся, Михаи́ле, вели́кий Архистрати́же, со все́ми Небе́сными си́лами.

Моли́тва

Святы́й и вели́кий Арха́нгеле Бо́жий Михаи́ле, неисповеди́мыя и пресу́щественныя Тро́ицы пе́рвый во А́нгелех предстоя́телю, ро́да же челове́ческаго приста́вниче и храни́телю, сокруши́вый с во́инствы свои́ми главу́ прего́рдаго Денни́цы на Небеси́ и посрамля́яй вы́ну зло́бу и кова́рства его́ на земли́! К тебе́ прибега́ем с ве́рою и тебе́ мо́лимся с любо́вию: бу́ди щи́т несокруши́м и забра́ло тве́рдо Святе́й Це́ркви и Правосла́вному Оте́чествию на́шему, огражда́я и́х молниено́сным мече́м твои́м от все́х вра́г, ви́димых и неви́димых. Не оста́ви же, о Арха́нгеле Бо́жий, по́мощию и заступле́нием твои́м и на́с, прославля́ющих дне́сь свято́е и́мя твое́: се́ бо, а́ще и многогре́шни есмы́, оба́че не хо́щем в беззако́ниих на́ших поги́бнути, но е́же обрати́тися ко Го́споду и оживле́нным бы́ти от Него́ на дела́ блага́я. Озари́ у́бо у́м на́ш све́том лица́ Бо́жия, и́же вы́ну сия́ет на молниеви́днем челе́ твое́м, да возмо́жем разуме́ти, что́ е́сть во́ля Бо́жия о на́с блага́я и соверше́нная, и ве́дети вся́, я́же подоба́ет на́м твори́ти и я́же презира́ти и оставля́ти. Укрепи́ благода́тию Госпо́днею сла́бую во́лю и немощно́е произволе́ние на́ше, да, утверди́вшеся в зако́не Госпо́днем, преста́нем про́чее вла́ятися земны́ми по́мыслы и похоте́нии пло́ти, увлека́ющеся, по подо́бию несмы́сленных дете́й, скороги́бнущими красота́ми ми́ра сего́, я́ко ра́ди тле́ннаго и земна́го безу́мне забыва́ти ве́чная и небе́сная. Над все́ми же си́ми испроси́ на́м Свы́ше ду́х и́стиннаго покая́ния, нелицеме́рную печа́ль по Бо́зе и сокруше́ние о гресе́х на́ших, да остаю́щее на́м число́ дне́й вре́меннаго живота́ на́шего иждиве́м не во угожде́нии чу́вств и рабо́те страсте́м на́шим, но во изглажде́нии зо́л, соде́янных на́ми, слеза́ми ве́ры и сокруше́ния серде́чнаго, по́двигами чистоты́ и святы́ми дела́ми милосе́рдия. Егда́ же прибли́зится ча́с оконча́ния на́шего, освобожде́ния от у́з бре́ннаго сего́ телесе́, не оста́ви на́с, Арха́нгеле Бо́жий, беззащи́тных проти́ву духо́в зло́бы поднебе́сных, обы́кших прегражда́ти душе́ челове́честей восхо́д в го́рняя, да, охраня́еми тобо́ю, безпреткнове́нне дости́гнем о́ных пресла́вных селе́ний ра́йских, иде́же не́сть печа́ль, ни воздыха́ние, но жи́знь безконе́чная, и, сподо́бльшеся узре́ти пресве́тлое лице́ Всеблага́го Го́спода и Влады́ки на́шего, па́дше со слеза́ми у но́г Его́, в ра́дости и умиле́нии воскли́кнем: сла́ва Тебе́, дража́йший Искупи́телю на́ш, И́же за премно́гую любо́вь Твою́ к на́м, недосто́йным, благоволи́л еси́ посла́ти А́нгелы Твоя́ в служе́ние спасе́нию на́шему! Ами́нь.

Канон

Архистратигу Божию Михаилу

Песнь 1
Ирмос: Отверзу уста моя, и наполнятся Духа, и слово отрыгну Царице Матери, и явлюся светло торжествуя, и воспою, радуяся, Тоя чудеса.

Божественными светлостьми облиставаемь всегда, ум мой озари, еже воспети тя, Архистратиже горних воинств, всех утверждение притекающих к тебе.

Ум пребезначальный, премирнаго чиноначальника показа чина тя, преславне Архистратиже, и свет сущих во тьме, и Божественное украшение Церкве Своея.

Умов предворяя небесных в Дусе, дольним же всеизряднейше Михаиле, дался еси ограждение, и утверждение, и оружие, враги закалающее и потребляющее.

Богородичен: Дево Всенепорочная, яже ангелов благолепие, человеков помоще, Ты мне помози мореплавающему, и в бури греха присно впадающу и бедствующу.

Песнь 3
Ирмос: Не мудростию и силою, и богатством хвалимся, но Тобою Отчею Ипостасною мудростию, Христе, несть бо Свят, паче Тебе Человеколюбче.

Крепостию Божественною, Воеводо ангелов всехвальне, обходиши всю землю, от лютых ны изимая, призывающия твое Божественное имя.

Яко божествен проповедник, яко предстатель верных непостыден, заблуждших путевождь, и наказатель был еси, Божий Архистратиже Боговиднейший.

Божественнаго сияния чистшее зерцало явился еси, явления честнаго светло прием Духа, Михаиле Первоангеле досточудне.

Богородичен: Невещественныя умы составивый волею, в вещественное Твое чрево вселися хотением, Всенепорочная, плотию зримь Незренный.

Седален, глас 8
Небесных чинов наставник, служитель же славы Божественныя, достойно быв повелением Зиждителя твоего, христианом еси ходатай спасительный, невещественною твоею славою земныя назирая. Темже по долгу благохвалим тя вси, Божественное твое днесь воспевающе торжество, Михаиле Архистратиже, моли Христа Бога, грехов оставление даровати, празднующим любовию Божественная твоя чудеса.

Ин седален, глас 1
Лик ангельский Архистратига имея, Божественнаго Михаила, с ним Святей Троице немолчное приношает песнопение, из не сущих бо Содетель всяческих, воинства огнезрачных чинов, Словом приведе.

Песнь 4
Ирмос: Седяй в славе на Престоле Божества, во облаце легце, прииде Иисус Пребожественный, нетленною дланию, и спасе зовущия: слава, Христе, силе Твоей.

Ум сый первый, составил еси Божественныя умы хотением, начальника посреде сих Михаила содела, всеблаженным причастием просвещаема, и умными Богоначалии облистаема.

Пение святое со Престолы, и Началы, и Силами, и Властьми, и Священными Господьствы возглашаеши Троице, преславне Михаиле, спасая ны поющия тя.

Величаем всех Творца же и Господа, за благоутробие давшаго обхранение величайшее, и необориму стену, и забрало, Михаила нам светозарнаго Архистратига.

Богородичен: Мысленно, Дево, Твоего Рождества преславное сказоваше древле, священноявленный Духом, гору присененную видя Тя яснейше, из Неяже Святый прииде Бог воплощаемь.

Песнь 5
Ирмос: Нечестивии не узрят славы Твоея, Христе, но мы Тя Единородне, Отеческия славы сияние Божества, от ночи утренююще, воспеваем Тя Человеколюбче.

Явился еси предводящ древняго Израиля, повелением Сущаго, из Иакова человеком явльшагося дебельством тела, Михаиле безтелесный, ангелов Архистратиже.

Невещественными сиянии обожаемь присно, причастием Богоначальным, и нам осияние светодательное подаваеши, Первоангеле, преславно удивляемь.

Украсися благодатию Божественный твой храм, в той бо пришед, врачевств пучину его показал еси, Михаиле Первоангеле, и страстей потребителя.

Богородичен: Умных ангелов Тя показа Бог вышшую, вселився в Твоя ложесна, Чистая Всенепорочная, Егоже моли всегда, ущедрити поющия Тя.

Песнь 6
Ирмос: Возопи, прообразуя погребение тридневное, пророк Иона, в ките моляся: от тли избави мя, Иисусе Царю сил.

Радуется верных множество, благохваляще тя, и славит Всесвятаго Слова, совокупльшаго земныя со ангелы, Михаиле, Своею благостию.

Воинства Израилева спасл еси, являяся, и Божественная подая повеления, Архистратиже, враги низложил еси, и в конец сия истребил еси.

Яко виде тя Иисус Навин, поклонися, вопросив честнаго твоего и святаго имене, Начальниче Ангелов, благоговением и страхом держимь.

Богородичен: Блажени людие, присно блажащии Тя, Блаженная, яко Бога Блаженнаго рождшая, земная за милосердие неизреченным единением обожившаго.

Кондак, глас 2
Архистратиже Божий, служителю Божественныя славы, Ангелов начальниче и человеков наставниче, полезное нам проси и велию милость, яко безплотных Архистратиг.

Икос
Рекл еси Человеколюбче, в Писаниих Твоих, множеству радоватися Ангелов на небеси, о человеце едином кающимся, Безсмертне. Темже мы, иже в беззакониих, Безгрешне Едине Сердцеведче, тя молити всегда дерзаем, яко Благоутробнаго, ущедрити и низпослати недостойным умиление, Владыко, подая нам прощение, о всех бо нас молится Тебе Безплотных Архистратиг.

Песнь 7
Ирмос: Спасый в огни авраамския Твоя отроки, и халдеи убив, яже правда праведно уловляше. Препетый Господи, Боже отец наших, благословен еси.

Усмотрив Даниил, виде купностояща тя блаженне, и умудряюща Того в Ховаре, видение, еже виде Гаврииле молниезрачне, Михаила Чиноначальника Тому являюща.

Ангелов наставники, Боговидныя и светоносныя, Михаила и Гавриила наши благия утешители, и предстатели, и хранители, восхвалим верою велегласно.

Красен и всеблаголепен, и Боговиден сый, вождь паче ума невещественных духов был еси, Михаиле светозарнейший, с ними убо о всех нас молися.

Богородичен: Ума великаго истинно Слово Присносущное, Дево, в Тя неизглаголанно и страшно вселившася, видя, возопи Гавриил Архангел: радуйся, Престоле Высочайшаго, Благословенная.

Песнь 8
Ирмос: Избавителю всех Всесильне, посреде пламене благочествовашия, снизшед оросил еси, и научил еси пети: вся дела благословите, пойте Господа.

Мысленных безтелесных Чиноначальник, молитвенник спасителен, Божествен Божий служитель, Михаиле, показался еси, поя непрестанно: вся дела благословите, пойте Господа.

Светильника два всесветлая, Михаиле и Гаврииле Архангели, Трисветлаго Божества сияньми тварь просвещающии, лютых мглу отгоняете.

Яко добрии кормчии Архангели, ко пристанищу Божественныя воли душевный корабль мой спасайте, от бури грехов падший и бедствующий.

Богородичен: Невестокраситель, Божественный Архангел, представ, приглашаше Тебе, еже радуйся, Невесто Божия Безневестная, Ангелов Славо и человеков Спасение и Ограждение.

Песнь 9
Ирмос: Ева убо недугом преслушания клятву вселила есть, Ты же, Дево Богородице, прозябением чревоношения мирови благословение процвела еси: тем Тя вси величаем.

Се благолепие твоего Архангеле, Божественнаго храма осияющее, светозарным твоим присутствием, чудес молнии испущает, и тмы недугов всегда отгоняет Божественною благодатию.

Яко сопруг красен, и лепотен суще, Владычним повелением, сущим на земли служите Архангели, от лютых изымающе, и всем просвещение посылающе спасительное, Божественным Духом.

Днесь радуются с нами безтелеснии Божественнии уми, воспеваема, видяще сего от всех, великаго и светлаго Архистратига, и любовию с нами празднуют, Жизнодавца величающе.

Божественная двоице, и светозарна, Архангели, Михаиле всечестне и Гаврииле препрославленне, Троице Честней предстояще, прегрешений вины и муки хвалящия вас избавите.

Богородичен: Глас Тебе Божественнаго Гавриила приносим радостно и взываем: радуйся раю, древо посреде жизни имеяй, Пречистая, Преславная Слова Палато. Радуйся, Дево Всенепорочная.

pravoslavie.wiki

Молитва Михаилу Архистратигу Грозному Воеводе

Господи, Боже Великий, Царю безначальный,пошли, Архангела Твоего Михаила на помощь рабам Твоим (имя). Защити, Архангеле, нас от всяких врагов, видимых и невидимых.

О, Господень Великий Архангеле Михаиле! Демонов сокрушителю, запрети всем врагам, борющим мя, и сотвори их яко овцы, и смири их злобные сердца, и сокруши их, яко прах пред лицем ветра.

О Господень Великий Архангеле Михаиле! Шестокрылатых первый княже и воеводо Небесных Сил - Херувимов и Серафимов,буди нам помощник во всех бедах, скорбех, в печалех, в пустыни, на распутьях, на реках и на морях тихое пристанище.

О, Господень Великий Архангеле Михаиле! Избави нас от всякия прелести лукавыя диавольския, егда услышишь нас, грешных (имя), молящихся Тебе, и призывающих имя Твое Святое.Ускори нам на помощь и услыши молитву нашу.

О Великий Архангеле Михаиле! Побори всех, противящихся нам, силою Честнаго и Животворящего Креста Господня, молитвами Пресвятыя Богородицы, святых Ангелов и святых апостолов, святаго пророка Божия Илии, святаго великого Николая, архиепископа Мир Ликийских чудотворца, святаго Андрея Христа ради, юродивого, и всех святых великомучеников Никиты и Евстафия, святых Царственных страсторерпцев, преподобных отцев наших и святых святителей и мучеников и всех святых Небесных Сил.

О, Господень Великий Архангеле Михаиле! Помози нам, грешным (имя), и избави нас от труса, потопа, огня, меча, и напрасныя смерти, от всякаго зла, от врага льстиваго, и от бури наносимой, и от лукаваго избави нас, великий Михаиле Архангеле Господень, всегда, ныне и присно и во веки веков. Аминь

О, святой Архистратиже Божий Михаиле! Молниеносным мечем Твоим отжени от мене духа лукавого, искушающаго и томящего мя. Аминь.

 

Молитва сия древняя написана на паперти Чудова монастыря в Кремле в Церкви Михаила Архистратига.

«Аще который человек прочтет сию молитву, того дня не прикоснется к нему ни диавол, ни зол человек, ни лестию соблазнится сердце его .Аще ли преставится от жития сего, то и ад душу его не примет!»

Очень важно эту молитву читать под 6/19 сентября и под 8/21 ноября в 12 часов ночи. А также - всю страстную неделю Великого Поста (обязательно!) По преданию, в это время Архангел Михаил находится на берегу долины огненной, и опускает свое правое крыло в геену огненную и она гаснет. Поминайте в эти дни усопших по именам, и Архангел Михаил выведет их души из ада.

 

ВЕРНУТЬСЯ НА СТРАНИЦУ ВСЕХ ТРЕБ

 

xn--80a6abc4c.xn--p1ai

Акафист святому Архангелу Михаилу, молитвы Архангелу Михаилу

Содержание статьи

Вы искали акафист и молитвы святому Архангелу Михаилу? Редакция портала «Православие и мир» подготовила для Вас полный текст молитв и акафиста.

Акафист и молитвы святому Архангелу Михаилу – полный текст

21 ноября – Собор архистратига Михаила и прочих Небесных Сил бесплотных

Архангел Михаил

Акафист Архангелу Михаилу

Кондак 1
Избранный Небесных сил воеводо и рода человеческаго заступниче, сие тебе, иже тобою от скорбных избавляеми, благодарственное приносим пение: ты же, яко предстояй Престолу Царя Славы, от всяких нас бед свобождай, да с верою и любовию в похвалу тебе зовем: Радуйся, Михаиле, великий Архистратиже, со всеми Небесными силами.

Икос 1
Яко ангельских огнезрачных ликов предстоятеля, ангельскими убо и языки подобаше восхвалити тя, Михаиле; но дондеже вразумляемии тобою навыкнем безплотных глаголом, услыши, аще и от человеческих, обаче благодарных устен, сицевая:
• Радуйся, звездо мира первообразная;
• Радуйся, свеще истины и правды златозарная.
• Радуйся, лучей света несозданнаго первый во ангельских ликостояниях приемниче;
• Радуйся, Ангелов начальниче.
• Радуйся, в нем же наивящше светлеется слава Творческия Десницы;
• Радуйся, имже красуются соборы всех существ безплотных.
• Радуйся, Михаиле, великий Архистратиже, со всеми Небесными силами.

Кондак 2
Провидяще веры очесы величие духовныя красоты и силу молниеносныя десницы твоея, Архангеле Божий, мы, яко земнии и плотию обложеннии, удивлением, радостию и благодарением ко Творцу всяческих исполняемся, зовуще со всеми Небесными силами: Аллилуиа.

Икос 2
Разум чист и свободен от страстей испроси нам, пречудный Михаиле, Небесных чинов начальниче, да, вознесшеся мыслию от земных к Небесным, хвалебную песнь воспоем ти сице:
• Радуйся, Божия неизреченныя красоты и доброты ближайший зрителю:
• Радуйся, всеблагих советов Пресвятыя Троицы приискренний таинниче.
• Радуйся, превечных судеб Троических верный исполнителю;
• Радуйся, емуже с любовию удивляются Небесная воинства.
• Радуйся, егоже с верою прославляют земнороднии;
• Радуйся, егоже трепещут адския силы.
• Радуйся, Михаиле, великий Архистратиже, со всеми Небесными силами.

Кондак 3
Силу необоримыя ревности по славе Божией в себе являя, стал еси во главе ликов ангельских, Михаиле, противу дышащаго злобою прегордаго Денницы, ему же со темными клевреты его с высоты небесныя в преисподнюю низвержену сущу, воинства Небесная, тобою преславне водимая, с веселием, яко едиными усты, пред Престолом Божиим возгласиша: Аллилуиа.

Икос 3
Имать тебе, Архангеле Михаиле, весь род христианский велика заступника и дивна во бранех с противными помощника; сего ради пречуднаго покрова твоего сподобитися желающе, в день торжества твоего взываем ти сице:
• Радуйся, имже сатана, яко молния, с небесе низвержеся;
• Радуйся, имже хранимый род человеческий к небеси восходит.
• Радуйся, всесветлаго мира Горняго предивное украшение;
• Радуйся, падшаго мира дольняго преславное заступление.
• Радуйся, николиже силами зла побежденный;
• Радуйся, со всеми Ангелы Божиими в истине и правде на веки благодатию Божиею утвержденный.
• Радуйся, Михаиле, великий Архистратиже, со всеми Небесными силами.

Кондак 4
Бури искушений и бед избави нас, Ангелов первопрестольниче, с любовию и радостию пресветлое торжество твое совершающих; ты бо еси в бедах великий помощник и в час смерти от злых духов хранитель и заступник всех, вопиющих твоему и нашему Владыце и Богу: Аллилуиа.

Икос 4
Видяще твое противу полчищ сатанинских дерзновение, вси чинове ангельскии с радостию подвигошася во след тебе на брань за Имя и славу своего Владыки, вопиюще: кто яко Бог? Мы же, ведуще сатану под ногама твоима повержена, тебе, яко победителю, зовем:
• Радуйся, имже мир и тишина на небеси водворишася;
• Радуйся, от негоже духове злобы даже до ада низложишася.
• Радуйся, ангельския воинства и силы мира невидимаго ко истреблению зла направляяй;
• Радуйся, прю и возмущение стихий мира видимаго незримо укрощаяй.
• Радуйся, подъемлющих брань к духовом злобы поднебесным дивным споборниче;
• Радуйся, изнемогающих во искушениих и напастех века сего крепкий помощниче.
• Радуйся, Михаиле, великий Архистратиже, со всеми Небесными силами.

Кондак 5
Боготочный источник превеликих чудес явился еси во храме твоем, иже в Хонех; не точию бо змий великий и страшный, на месте том пребывавый, силою твоею потребися, но и струи водныя, всякий недуг телесный врачующия, открышася, да вси прославляющему тя Владыце Ангелов с верою зовут: Аллилуиа.

Икос 5
Слышаще и ведуще тя яко светило великое, посреде ликов ангельских блистающася, пречудный Михаиле, к тебе, по Бозе и Пресвятей Матери Божией, прибегаем: озари лучами света твоего всех нас, вопиющих ти сице:
• Радуйся, вождю и хранителю в пустыни народа богоизбраннаго;
• Радуйся, высокий посредниче закона, рукою Моисея на Синаи даннаго.
• Радуйся, у негоже судии и вожди Израилевы силу и покров обретаху;
• Радуйся, чрез негоже пророцы и первосвященницы иудейстии дар ведения от Всеведущаго Бога приимаху.
• Радуйся, богобоязненныя законодавцы тайною премудростию снабдеваяй;
• Радуйся, суд и правду творящим благость на сердце полагаяй.
• Радуйся, Михаиле, великий Архистратиже, со всеми Небесными силами.

Кондак 6
Провозвестника тя Божиих судеб егда узре некогда Маное, недоумения и страха исполнися, мня не жити ктому на земли; научен же от жены своея о благости явления и кротости словес твоих, в радости о имевшем родитися, по словеси твоему, сыне своем Сампсоне, благодарне возопи Богу: Аллилуиа.

Икос 6
Возсиял еси пречудно славою, Михаиле, егда во образе человечесте пред Иисусом Навином стал еси, глаголя: иззуй сапог с ногу твоею, — аз есмь Архистратиг силы Господни. Таковому явлению твоему чудящеся, с любовию вопием ти:
• Радуйся, боговенчанных глав неусыпный охранителю;
• Радуйся, противляющихся власти, яко Божию повелению противящихся, скорый низложителю.
• Радуйся, усмирителю народных треволнений;
• Радуйся, незримый упразднителю злочестивых обычаев.
• Радуйся, яко ты просвещаеши сомнящихся в час лютых недоумений;
• Радуйся, яко ты исхищаеши искушаемых от пагубоносных наваждений.
• Радуйся, Михаиле, великий Архистратиже, со всеми Небесными силами.

Кондак 7
Хотяй Владыка всяческих показати, яко жребии сынов человеческих не самослучайнии суть, но в Деснице Его выну содержатся, даде тя царствам земным заступника и хранителя, да племена и народы к вечному Царствию Божию уготовляеши; сего ради вси, ведущии о велицем служении твоем спасению человеческому, благодарне зовут Богу: Аллилуиа.

Икос 7
Новая чудеса показа нам, Архистратиже, тобою на земли всех чудес Творец и Владыка, егда храм, во имя твое созданный, от потопления водами речными дивно спасл еси, струям потока в недра земная устремитися повелевый; еже видя блаженный Архипп с духовными чады своими, благодарне к тебе возопи:
• Радуйся, святых храмов Божиих несокрушимая оградо;
• Радуйся, врагом веры Христовы необоримая преградо.
• Радуйся, егоже велению стихии покоряются;
• Радуйся, имже вси злобнии замыслы сокрушаются.
• Радуйся, верным радость от Престола Вседержителя износящий;
• Радуйся, неверных на стезю правды и истины приводящий.
• Радуйся, Михаиле, великий Архистратиже, со всеми Небесными силами.

Кондак 8
Странное чудо силы твоея, Архистратиже Божий, уведе на себе Аввакум, егда по манию Божию восхитив, принесл еси его скоротечне от Иудеи в Вавилон, дати пищу Даниилу, в рове со львы заключену; темже удивлься превеликому действию силы твоея, возопи с верою: Аллилуиа.

Икос 8
Весь еси в вышних, Михаиле, Престолу Царя Славы предстояй, не далек еси и от нижних, ратуя выну со врагами спасения человеческаго; темже вси, вожделеннаго Отечества. Небеснаго достигнути хотящии, согласно тебе зовут:
• Радуйся, начальниче трисвятаго ангельскаго пения;
• Радуйся, земнородных присно готовый предстателю и хранителю.
• Радуйся, прегордаго фараона с неверными египтяны поразивый страннообразно;
• Радуйся, верныя иудеи путеводивый в пустыни преславно.
• Радуйся, имже угасися пламень пещи вавилонския;
• Радуйся, Михаиле, великий Архистратиже, со всеми Небесными силами.

Кондак 9
Вси иноцы Святыя Горы Афонския в радостный трепет приидоша, видяще, како богобоязненна отрока, неистовно от нечестивых златолюбцев во глубину морскую с камнем повержена, спасл еси; темже приявшая его обитель, именем твоим красующися, благодарне взывает ко Господу: Аллилуиа.

Икос 9
Витий глаголы и любомудров смыслы не довлеют ко изглаголанию силы твоея, Михаиле, како во едину нощь сто семьдесят и пять тысящ поразил еси от воев царя ассирийска Сеннахирима, да накажется прочее не хулити Имя Господне; мы же, почитающе святую ревность твою о славе Бога Истиннаго, с веселием зовем ти сице:
• Радуйся, православных воинств непобедимый воеводо;
• Радуйся, зловерных ратей страх и низложение.
• Радуйся, правыя веры и богопочитания насадителю;
• Радуйся, душевредных ересей и расколов искоренителю.
• Радуйся, благочестивыя Маккавеи на поле брани многажды укрепивый;
• Радуйся, нечестиваго вождя Антиохова Илиодора в самем храме поразивый.
• Радуйся, Михаиле, великий Архистратиже, со всеми Небесными силами.

Кондак 10
Спастися хотящим нам буди помощник тверд, Архистратиже Божий, избавляяй и храняй нас от бед и напастей паче же от злых навыков и грехов наших, да, преспевающе в вере, надежде и любви Христове, с радостию о предивнем заступлении твоем ко Владыце Ангелов и человеков благодарне зовем: Аллилуиа.

Икос 10
Стена еси верующим человеком, Архистратиже Божий, и столп крепок во бранех со врагами видимыми и невидимыми; сего ради от сетей бесовских тобою избавляеми, благодарным сердцем и усты зовем сице:
• Радуйся, врагом веры и сопротивником Святыя Церкве непобедимый противоборниче;
• Радуйся, смиренным провозвестником Евангелиа неутомимый споспешниче.
• Радуйся, во тьме зловерия седящих светом веры Христовы просвещаяй;
• Радуйся, лжемудрием объюродевших на стезю истины и покаяния наставляяй.
• Радуйся, грозный отмстителю кленущимся Именем Божиим всуе;
• Радуйся, молниеносный карателю глумящихся безумие о таинствах святыя веры.
• Радуйся, Михаиле, великий Архистратиже, со всеми Небесными силами.

Кондак 11
Пение всякое хвалебное побеждается множеством чудес твоих, Архистратиже Божий, яко совершена суть тобою не точию на небеси и на земли, но и в темных сенех преисподней, идеже глубиннаго змия связал еси узами силы Господней, да избавляемии от злобы его благословят Владыку небесе и земли, зовуще: Аллилуиа.

Икос 11
Светоносный служитель истины и чистоты богопочитания явился еси, Архистратиже, егда, провидя козни духа тьмы, воспретил еси ему Именем Божиим, да не дерзнет сокровенное тело почившаго вождя Израилева Моисеа явити ко обожению чувственным сыновом Израилевым; сего ради, чтуще ныне благосветлый собор твой, благодарне вопием ти:
• Радуйся, чистоту боговедения во дни Ветхаго Завета среди иудеев сохранивый;
• Радуйся, плевелы заблуждений во дни Новыя благодати многажды искоренивый.
• Радуйся, языческих прорицалищ и кумиров истребителю;
• Радуйся, христианских подвижников и страстотерпцев укрепителю.
• Радуйся, немощныя духом силою благодати Божия исполняяй;
• Радуйся, изнемогающия плотию всеоружием веры облекаяй.
• Радуйся, Михаиле, великий Архистратиже, со всеми Небесными силами.

Кондак 12
Благодать от Бога с Небесе испроси нам, поющим во славу всечестнаго имене твоего, Михаиле, да, осеняеми твоим заступлением, во всяком благочестии и чистоте поживем, дондеже, отрешеннии смертию от уз плоти, сподобимся предстати огнезрачному Престолу Царя славы и с лики ангельскими возопити: Аллилуиа.

Икос 12
Поюще многообразная твоя чудеса, Михаиле, во спасение наше содеянная, молим Господа и Владыку всяческих, да дух ревности по славе Божией, иже в тебе, николиже оскудеет и в нас, зовущих ти сице:
• Радуйся, верных рабов Божиих во время благопотребно на высоту власти предивне поставляяй;
• Радуйся, продерзых и недостойных с высоты силы и славы незримо низлагаяй.
• Радуйся, в день последний избранных от четырех концов земли имеяй собрати;
• Радуйся, имже грешныя, яко плевелы, по гласу Божию огню вечному преданы будут.
• Радуйся, имже сатана со ангелы его во езеро огненное на веки повергнется;
• Радуйся, имже праведниц во обителех Отца Небеснаго преславне водворятся.
• Радуйся, Михаиле, великий Архистратиже, со всеми Небесными силами.

Кондак 13
О пречудный Архангелов и Ангелов начальниче, за предивное служение твое спасению рода человеческаго приими от нас возносимый к тебе ныне глас хвалы и благодарения и, яко исполнь силы Божией, покрый нас невещественныма крилома твоима от всех враг видимых и невидимых, да прославляемому тобою и прославившему тя Господу выну зовем: Аллилуиа.
(Этот кондак читается трижды,
затем икос 1 и кондак 1)

Молитвы Святому Архангелу Михаилу

Молитва Архангелу Михаилу произносится верующими, когда они нуждаются в помощи от избавлении от врагов, стихийных бедствий и в других трудных ситуациях, которые человеку тяжело преодолеть одному, без помощи свыше. Конечно, обращаться к Архангелу Михаилу можно и тогда, когда никакой опасности человеку не угрожает. Не существует специальных молитв о здоровье, богатстве или другом земном благополучии, которые «работали» бы, как некий магический ритуал. Считается, что молитва Архангелу Михаилу обладает очень сильной защитой.  К сожалению, молитвам часто приписывают мистические свойства, хотя, несомненно, по сильнейшей молитве искренне верующего православного случаются и чудеса. Тем не менее, не стоит относиться к разговору с Богом, ангелами и святыми как к некому заклинанию. У молитвы совсем другие функции. И все же мы должны помнить об опыте христиан, которые, обращаясь с искренней верой получили то, о чем они просили. Даже в те моменты, когда нам кажется, что Бог не отвечает на наши молитвы, Он слышит нас, но не дает то, что не было бы полезно для спасения души.

Молитву Архангелу Михаилу можно слушать и смотреть на видео:

Молитва Архангелу Михаилу первая
Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на небеси и посрамляяй выну злобу и коварства его на земли! К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся по подобию несмысленных детей скорогибнущими красотами мира сего, яко ради тленнаго и земнаго безумне забывати вечная и небесная. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дний временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия. Егда же приблизится час окончания нашего, освобождения от уз бреннаго сего телесе, не остави нас. Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.

Молитва Архангелу Михаилу вторая
О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков.

Молитва Архангелу Михаилу третья
Господи, Боже Великий, Царю безначальный, пошли Архангела Твоего Михаила на помощь рабам Твоим (имярек). Защити, Архангеле, нас от всяких врагов, видимых и невидимых. О, Господень Великий Архангеле Михаиле! Демонов сокрушитель, запрети всем врагам, борющимся со мною, и сотвори их яко овцы, и смири их злобные сердца, и сокруши их, яко прах перед лицем ветра. О, Господень Великий Архангеле Михаиле! Шестикрылый первый Князь и Воевода Небесных Сил — Херувимов и Серафимов, буди нам помощник во всех бедах, скорбях, в печалях, в пустыни и на морях тихое пристанище. О, Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся Тебе, и призывающих имя Твое Святое. Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятой Богородицы, молитвами святых Апостолов, Святителя Чудотворца Николая, Андрея, Христа ради, юродивого, св. пророка Илии и всех святых великомучеников: св. мучеников Никиты и Евстафия, и всех преподобных отцов наших, от века Богу угодивших и всех святых Небесных Сил. О, Господень Великий Архангеле Михаиле! Помоги нам грешным (имярек) и избавь нас от труса, потопа, огня, меча и напрасной смерти, от великого зла, от врага льстиваго, от бури поносимой, от лукавого избавь нас всегда, ныне и присно, и во веки веков. Аминь. Святой Архистратиг Божий Михаил, молниеносным мечом Твоим отжени от мене духа лукавого, искушающего и томящего мя. Аминь.

Тропарь Архангелу Михаилу
Тропарь, глас 4
Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя ны, припадающия прилежно и вопиющия: от бед избави ны, яко чиноначальник Вышних Сил.

***

Архангел Михаил — один из высших ангелов, принимающий самое близкое участие в судьбах Церкви.
Священное Писание нас учит, что, кроме физического, существует великий духовный мир, населенный разумными, добрыми существами, именуемыми ангелами. Слово «ангел» на греческом языке значит вестник. Священное Писание их именует так потому, что Бог нередко через них сообщает людям Свою волю. В чем же собственно состоит их жизнь в духовном мире, который они населяют, и в чем заключается их деятельность — мы почти ничего не знаем, да, в сущности, и понять не в состоянии. Они пребывают в условиях, совершенно отличных от наших материальных: там время, пространство и все жизненные условия имеют совсем иное содержание. Приставка «архи» к некоторым ангелам указывает на их более возвышенное служение сравнительно с другими ангелами.

Имя Михаил — на еврейском значит «Кто, как Бог».
Священное Писание, повествуя о явлении ангелов различным людям, собственным именем называет только некоторых из них, — по-видимому тех, которые несут особую миссию в утверждении Царства Божия на земле. Среди них — архангелы Михаил и Гавриил, упоминаемые в канонических книгах Писания, а также архангелы РафаилУриилСалафиилИегудиили Варахиил, упоминаемые в неканонических книгах Писания. Архангел Гавриил обычно являлся некоторым праведникам в качестве вестника великих и радостных событий, касающихся народа Божия (Дан. 8, 16, 9, 21; Лук. 1, 19-26). В книге Товита архангел Рафаил говорит о себе: «Я — Рафаил, один из семи святых Ангелов, которые возносят молитвы святых и восходят пред славу Святаго» (Тов. 12, 15). Отсюда возникло убеждение, что на Небе существует семь архангелов, одним из которых является архангел Михаил.

Архангел Михаил в Писании именуется «князем», «вождем воинства Господня» и изображается, как главный борец против диавола и всякого беззакония среди людей. Отсюда его церковное именование «архистратиг», т. е. старший воин, вождь. Так, архангел Михаил явился Иисусу Навину в качестве помощника, при завоевании израильтянами Обетованной земли. Он явился пророку Даниилу в дни падения Вавилонского царства и начала созидания Мессианского царства. Даниилу было предсказано о помощи народу Божию со стороны архангела Михаила в период предстоящих преследований при Антихристе. В книге Откровения архангел Михаил выступает как главный вождь в войне против дракона-диавола и прочих взбунтовавшихся ангелов. «И произошла война на Небе: Михаил и Ангелы его воевали против дракона, и дракон и ангелы его воевали против них, но не устояли, и не нашлось им места на Небе. И низвержен был великий дракон, древний змий, называемый диаволом и сатаною». Апостол Иуда кратко упоминает об архангеле Михаиле, как о противнике диавола. (Нав. 5, 13; Дан. 10; 12, 1; Иуд. 9; Откр. 12, 7-9; Лк. 10, 18).

В духе Священного Писания некоторые отцы Церкви видят архангела Михаила участником других важных событий в жизни народа Божия, где, впрочем, он не называется по имени. Так, например, его отождествляют с таинственным огненным столпом, шедшим перед израильтянами во время их бегства из Египта и погубившим в море полчища фараона. Ему же приписывают поражение огромного ассирийского войска, осаждавшего Иерусалим при пророке Исаии. (Исх. 33, 9, 14, 26-28; 4 Цар. 19, 35).

Церковь почитает архангела Михаила как защитника веры и борца против ересей и всякого зла. На иконах его изображают с огненным мечом в руке, или копьем низвергающим диавола. В начале IV века Церковь установила праздник «Собора» (т. е. совокупности) святых ангелов во главе с архангелом Михаилом 8 ноября (нов: 21 ноября).


Читайте также:

Видео Акафист Архангелу Михаилу:

www.pravmir.ru

Акафист Святому архангелу Михаилу - Псалмы, молитвы, толкования - Каталог статей

Кондак 1

Избранный Небесных сил воеводо и рода человеческаго заступниче, сие тебе иже тобою от скорбных избавляеми, благодарственное приносим пение: ты же, яко предстояй Престолу Царя Славы, от всяких нас бед свобождай, да с верою и любовию в похвалу тебе зовем:
Радуйся, Михаиле, великий Архистратиже, со всеми Небесными силами.

Икос 1

Яко ангельских огнезрачных ликов предстоятеля, ангельскими убо и языки подобаше восхвалите тя, Михаиле: но дондеже вразумляеми тобою навыкнем безплотных глаголом, услыши, аще и от человеческих, обаче благодарных устен, сицевая:
Радуйся, звездо мира первообразная; радуйся, свеще истины и правды златозарная.
Радуйся, лучей света несозданнаго первый во ангельских ликостояниях преимниче; радуйся, Ангелов начальниче.
Радуйся, в немже наивящше светлеется слава Творческия Десницы; радуйся, имже красуются соборы всех существ безплотных.
Радуйся, Михаиле, великий Архистратиже, со всеми Небесными силами.

Кондак 2

Провидяще веры очесы величие духовныя красоты и силу молниеносныя десницы твоея, Архангеле Божий, мы, яко земнии и плотию обложеннии, удивлением, радостию и благодарением ко Творцу всяческих исполняемся, зовуще со всеми Небесными силами: Аллилуиа.

Икос 2

Разум чист и свободен от страстей испроси нам, пречудный Михаиле, Небесных чинов начальниче, да, вознесшеся мыслию от земных к Небесным, хвалебную песнь воспоем ти сице:
Радуйся, Божия неизреченныя красоты и доброты ближайший зрителю; радуйся, всеблагих советов Пресвятыя Троицы преискренний таинниче.
Радуйся, превечных судеб Троических верный исполнителю; радуйся, емуже с любовию удивляются Небесная воинства.
Радуйся, егоже с верою прославляют земнороднии; радуйся, егоже трепещут адския силы.
Радуйся, Михаиле, великий Архистратиже, со всеми Небесными силами.


Кондак 3

Силу необоримыя ревности по славе Божией в себе являя, стал еси во главе ликов ангельских, Михаиле, противу дышащаго злобою, прегордаго Денницы, емуже со темными клевреты его с высоты небесныя в преисподнюю низвержену сущу, воинства Небесная, тобою преславне водимая, с веселием, яко едиными усты, пред Престолом Божиим возгласиша: Аллилуиа.

Икос 3

Имать тебе, Архангеле Михаиле, весь род христианский велика заступника и дивна во бранех с противными помощника: сего ради пречуднаго покрова твоего сподобитися желающе, в день торжества твоего взываем ти сице:
Радуйся, имже сатана, яко молния, с Небесе низвержеся; радуйся, имже хранимый род человеческий к Небеси восходит.
Радуйся, всесветлаго мира Горняго предивное украшение; радуйся, падшаго мира дольняго преславное заступление.
Радуйся, николиже силами зла побежденный; радуйся, со всеми Ангелы Божиими в истине и правде на веки благодатию Божиею утвержденный.
Радуйся, Михаиле, великий Архистратиже, со всеми Небесными силами.

Кондак 4

Бури искушений и бед избави нас, Ангелов первопрестольниче, с любовию и радостию пресветлое торжество твое совершающих: ты бо еси в бедах великий помощник и в час смерти от злых духов хранитель и заступник всех вопиющих твоему и нашему Владыце и Богу: Аллилуиа.

Икос 4

Видяще твое противу полчищ сатанинских дерзновение, вси чинове ангельстии с радостию подвигошася во след тебе на брань за имя и славу своего Владыки, вопиюще: кто яко Бог? Мы же, ведуще сатану под ногама твоима повержена, тебе, яко победителю, зовем:
Радуйся, имже мир и тишина на Небеси водворишася; радуйся, от негоже духове злобы даже до ада низложишася.
Радуйся, ангельския воинства и силы мира невидимаго ко истреблению зла направляяй; радуйся, прю и возмущение стихий мира видимаго незримо укрощаяй.
Радуйся, подъемлющих брань к духовом злобы поднебесным дивный споборниче; радуйся, изнемогающих во искушениих и напастех века сего крепкий помощниче.
Радуйся, Михаиле, великий Архистратиже, со всеми Небесными силами.

Кондак 5

Боготочный источник превеликих чудес явился еси во храме твоем, иже в Хонех; не точию бо змий великий и страшный, на месте том пребывавый, силою твоею потребися, но и струи водныя, всякий недуг телесный врачующия, открышася, да вси прославляющему тя Владыце Ангелов с верою зовут: Аллилуиа.

Икос 5

Слышаще и ведуще тя яко светило великое, посреде ликов ангельских блистающася, пречудный Михаиле, к тебе, по Бозе и Пресвятей Матери Божией, прибегаем: озари лучами света твоего всех нас, вопиющих ти сице:
Радуйся, вождю и хранителю в пустыни народа богоизбраннаго; радуйся, высокий посредниче закона, рукою Моисея на Синаи даннаго.
Радуйся, у негоже судии и вожди Израилевы силу и покров обретаху; радуйся, чрез негоже пророцы и первосвященницы иудейстии дар ведения от всеведущаго Бога приимаху.
Радуйся, богобоязненныя законодавцы тайною премудростию снабдеваяй; радуйся, суд и правду творящим благость на сердце полагаяй.
Радуйся, Михаиле, великий Архистратиже, со всеми Небесными силами.

Кондак 6

Провозвестника тя Божиих судеб егда узре некогда Маное, недоумения и страха исполнися, мня не жити ктому на земли; научен же от жены своея о благости явления и кротости словес твоих, в радости о имевшем родитися, по словеси твоему, сыне своем Сампсоне, благодарне возопи Богу: Аллилуиа.

Икос 6

Возсиял еси пречудно славою, Михаиле, егда во образе человечесте пред Иисусом Навином стал еси, глаголя: Иззуй сапог с ногу твоею: аз есмь Архистратиг силы Господни. Таковому явлению твоему чудяшеся, с любовию вопием ти:
Радуйся, боговенчанных глав неусыпный охранителю; радуйся, противляющихся власти, яко Божию повелению противящихся, скорый низложителю.
Радуйся, усмирителю народных треволнений; радуйся, незримый упразднителю злочестивых обычаев.
Радуйся, яко ты просвещаеши сомнящихся в час лютых недоумений; радуйся, яко ты исхищаеши искушаемых от пагубоносных наваждений.
Радуйся, Михаиле, великий Архистратиже, со всеми Небесными силами.

Кондак 7

Хотяй Владыка всяческих показати, яко жребии сынов человеческих не самослучайнии суть, но в деснице Его выну содержатся, даде тя царствам земным заступника и хранителя, да племена и народы к вечному Царствию Божию уготовляеши; сего ради вси, ведущии о велицем служении твоем спасению человеческому, благодарне зовут Богу: Аллилуиа.

Икос 7

Новая чудеса показа нам, Архистратиже, тобою на земли всех чудес Творец и Владыка, егда храм, во имя твое созданный, от потопления водами речными дивно спасл еси, струям потока в недра земная устремитися повелевый: еже видя блаженный Архипп с духовными чады своими, благодарне к тебе возопи:
Радуйся, святых храмов Божиих несокрушимая оградо; радуйся, врагом веры Христовы необоримая преградо.
Радуйся, егоже велению стихии покоряются; радуйся, имже вси злобнии замыслы сокрушаются.
Радуйся, верным радость от Престола Вседержителя износящий; радуйся, неверных на стезю правды и истины приводящий.
Радуйся, Михаиле, великий Архистратиже, со всеми Небесными силами.

Кондак 8

Странное чудо силы твоея, Архистратиже Божий, уведе на себе Аввакум, егда по манию Божию восхитив, принесл еси его скоротечне от Иудеи в Вавилон, дати пищу Даниилу, в рове со львы заключену: темже удивлься превеликому действию силы твоея, возопи с верою: Аллилуиа.

Икос 8

Весь еси в вышних, Михаиле, Престолу Царя Славы предстояй, не далек еси и от нижних, ратуя выну со врагами спасения человеческаго: темже вси вожделеннаго Отечества Небеснаго достигнути хотящии согласно тебе зовут:
Радуйся, начальниче трисвятаго ангельскаго пения; радуйся, земнородных присно готовый предстателю и хранителю.
Радуйся, прегордаго фараона с неверными египтяны поразивый страннообразно; радуйся, верныя иудеи путеводивый в пустыни преславно.
Радуйся, имже угасися пламень пещи вавилонския.
Радуйся, Михаиле, великий Архистратиже, со всеми Небесными силами.

Кондак 9

Вси иноцы Святыя Горы Афонския в радостный трепет приидоша, видяще, како богобоязненна отрока, неистовно от нечестивых златолюбцев во глубину морскую с камнем повержена, спасл еси: темже приявшая его обитель, именем твоим красующися, благодарне взывает ко Господу: Аллилуиа.

Икос 9

Витий глаголы и любомудров смыслы не довлеют ко изглаголанию силы твоея, Михаиле, како во едину нощь сто осмьдесят и пять тысящ поразил еси от воев царя ассирийска Сеннахирима, да накажется прочее не хулити имя Господне: мы же, почитающе святую ревность твою о славе Бога Истиннаго, с веселием зовем ти сице:
Радуйся, православных воинств непобедимый воеводо; радуйся, зловерных ратей страх и низложение.
Радуйся, правыя веры и богопочитания насадителю; радуйся, душевредных ересей и расколов искоренителю.
Радуйся, благочестивыя Маккавеи на поле брани многажды укрепивый; радуйся, нечестиваго вождя Антиохова Илиодора в самем храме поразивый.
Радуйся, Михаиле, великий Архистратиже, со всеми Небесными силами.

Кондак 10

Спастися хотящим нам буди помощник тверд, Архистратиже Божий, избавляяй и храняй нас от бед и напастей, паче же от злых навыков и грехов наших, да, преспевающе в вере, надежде и любви Христове, с радостию о предивнем заступлении твоем, ко Владыце Ангелов и человеков благодарне зовем: Аллилуиа.

Икос 10

Стена еси верующим человеком, Архистратиже Божий, и столп крепок во бранех со врагами видимыми и невидимыми: сего ради от сетей бесовских тобою избавляеми, благодарным сердцем и усты зовем сице:
Радуйся, врагом веры и сопротивником Святыя Церкве непобедимый противоборниче; радуйся, смиренным провозвестником Евангелиа неутомимый споспешниче.
Радуйся, во тьме зловерия седящих светом веры Христовы просвещаяй; радуйся, лжемудрием объюродевших на стезю истины и покаяния наставляяй.
Радуйся, грозный отмстителю клянущимся именем Божиим всуе; радуйся, молниеносный карателю глумящихся безумие о таинствех святыя веры.
Радуйся, Михаиле, великий Архистратиже, со всеми Небесными силами.

Кондак 11

Пение всякое хвалебное побеждается множеством чудес твоих, Архистратиже Божий, яко совершена суть тобою не точию на Небеси и на земли, но и в темных сенех преисподней, идеже глубиннаго змия связал еси узами силы Господней, да избавляемии от злобы его благословят Владыку Небесе и земли, зовуще: Аллилуиа.

Икос 11

Светоносный служитель истины и чистоты богопочитания явился еси, Архистратиже, егда, провидя козни духа тьмы, воспретил еси ему именем Божиим, да не дерзнет сокровенное тело почившаго вождя Израилева Моисеа явити ко обожению чувственным сыновом Израилевым: сего ради, чтуще ныне благосветлый собор твой, благодарне вопием ти:
Радуйся, чистоту боговедения во дни Ветхаго Завета среди иудеев сохранивый; радуйся, плевелы заблуждений во дни Новыя благодати многажды искоренивый.
Радуйся, языческих прорицалищ и кумиров истребителю; радуйся, христианских подвижников и страстотерпцев укрепителю.
Радуйся, немощныя духом силою благодати Божией исполняяй; радуйся, изнемогающия плотию всеоружием веры облекаяй.
Радуйся, Михаиле, великий Архистратиже, со всеми Небесными силами.

Кондак 12

Благодать от Бога с Небесе испроси нам, поющим во славу всечестнаго имене твоего, Михаиле, да, осеняеми твоим заступлением, во всяком благочестии и чистоте поживем, дондеже, отрешеннии смертию от уз плоти, сподобимся предстати огнезрачному Престолу Царя Славы и с лики ангельскими возопити: Аллилуиа.

Икос 12

Поюще многообразная твоя чудеса, Михаиле, во спасение наше содеянная, молим Господа и Владыку всяческих, да дух ревности по славе Божией, иже в тебе, николиже оскудеет и в нас, зовущих ти сице:
Радуйся, верных рабов Божиих во время благопотребно на высоту власти предивне поставляяй; радуйся, продерзых и недостойных с высоты силы и славы незримо низлагаяй.
Радуйся, в день последний избранных от четырех концев земли имеяй собрати; радуйся, имже грешныя, яко плевелы, по гласу Божию, огню вечному преданы будут.
Радуйся, имже сатана со ангелы его во езеро огненное на веки повергнется; радуйся, имже праведнии во обителех Отца Небеснаго преславне водворятся.
Радуйся, Михаиле, великий Архистратиже, со всеми Небесными силами.

Кондак 13

О пречудный Архангелов и Ангелов начальниче, за предивное служение твое спасению рода человеческаго приими от нас возносимый к тебе ныне глас хвалы и благодарения, и яко исполнь силы Божией, покрый нас невещественныма крилома твоима от всех враг видимых и невидимых, да прославляемому тобою и прославившему тя Господу выну зовем: Аллилуиа.

(Этот кондак читается трижды, затем 1-й икос «Яко ангельских...» и 1-й кондак «Избранный Небесных сил...»)


Молитва

Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на Небеси и посрамляяй выну злобу и коварства его на земли!
К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых.
Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая.
Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас благая и совершенная, и ведети вся, яже подобает нам творити и яже презирати и оставляти.
Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся, по подобию несмысленных детей, скорогибнущими красотами мира сего, яко ради тленнаго и земнаго безумне забывати вечная и небесная.
Над всеми же сими испроси нам Свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дней временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия.
Егда же приблизится час окончания нашего, освобождения от уз бреннаго сего телесе, не остави нас, Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.

Тропарь, глас 4

Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя нас припадающих прилежно и вопиющих: от бед избави нас, яко чиноначальник высших сил.

Кондак, глас 2

Архистратиже Божий, служителю Божественныя славы, Ангелов начальниче и человеков наставниче, полезное нам проси и велию милость, яко безплотных Архистратиг.

hram-selezni.ru

Акафист Архангелу Михаилу | Полный Православный Молитвослов — сборник молитв

Кондак 1
Избранный Небесных сил воеводо и рода человеческаго заступниче, сие тебе, иже тобою от скорбных избавляеми, благодарственное приносим пение: ты же, яко предстояй Престолу Царя Славы, от всяких нас бед свобождай, да с верою и любовию в похвалу тебе зовем: Радуйся, Михаиле, великий Архистратиже, со всеми Небесными силами.

Икос 1
Яко ангельских огнезрачных ликов предстоятеля, ангельскими убо и языки подобаше восхвалити тя, Михаиле; но дондеже вразумляемии тобою навыкнем безплотных глаголом, услыши, аще и от человеческих, обаче благодарных устен, сицевая:
• Радуйся, звездо мира первообразная;
• Радуйся, свеще истины и правды златозарная.
• Радуйся, лучей света несозданнаго первый во ангельских ликостояниях приемниче;
• Радуйся, Ангелов начальниче.
• Радуйся, в нем же наивящше светлеется слава Творческия Десницы;
• Радуйся, имже красуются соборы всех существ безплотных.
• Радуйся, Михаиле, великий Архистратиже, со всеми Небесными силами.

Кондак 2
Провидяще веры очесы величие духовныя красоты и силу молниеносныя десницы твоея, Архангеле Божий, мы, яко земнии и плотию обложеннии, удивлением, радостию и благодарением ко Творцу всяческих исполняемся, зовуще со всеми Небесными силами: Аллилуиа.

Икос 2
Разум чист и свободен от страстей испроси нам, пречудный Михаиле, Небесных чинов начальниче, да, вознесшеся мыслию от земных к Небесным, хвалебную песнь воспоем ти сице:
• Радуйся, Божия неизреченныя красоты и доброты ближайший зрителю:
• Радуйся, всеблагих советов Пресвятыя Троицы приискренний таинниче.
• Радуйся, превечных судеб Троических верный исполнителю;
• Радуйся, емуже с любовию удивляются Небесная воинства.
• Радуйся, егоже с верою прославляют земнороднии;
• Радуйся, егоже трепещут адския силы.
• Радуйся, Михаиле, великий Архистратиже, со всеми Небесными силами.

Кондак 3
Силу необоримыя ревности по славе Божией в себе являя, стал еси во главе ликов ангельских, Михаиле, противу дышащаго злобою прегордаго Денницы, ему же со темными клевреты его с высоты небесныя в преисподнюю низвержену сущу, воинства Небесная, тобою преславне водимая, с веселием, яко едиными усты, пред Престолом Божиим возгласиша: Аллилуиа.

Икос 3
Имать тебе, Архангеле Михаиле, весь род христианский велика заступника и дивна во бранех с противными помощника; сего ради пречуднаго покрова твоего сподобитися желающе, в день торжества твоего взываем ти сице:
• Радуйся, имже сатана, яко молния, с небесе низвержеся;
• Радуйся, имже хранимый род человеческий к небеси восходит.
• Радуйся, всесветлаго мира Горняго предивное украшение;
• Радуйся, падшаго мира дольняго преславное заступление.
• Радуйся, николиже силами зла побежденный;
• Радуйся, со всеми Ангелы Божиими в истине и правде на веки благодатию Божиею утвержденный.
• Радуйся, Михаиле, великий Архистратиже, со всеми Небесными силами.

Кондак 4
Бури искушений и бед избави нас, Ангелов первопрестольниче, с любовию и радостию пресветлое торжество твое совершающих; ты бо еси в бедах великий помощник и в час смерти от злых духов хранитель и заступник всех, вопиющих твоему и нашему Владыце и Богу: Аллилуиа.

Икос 4
Видяще твое противу полчищ сатанинских дерзновение, вси чинове ангельскии с радостию подвигошася во след тебе на брань за Имя и славу своего Владыки, вопиюще: кто яко Бог? Мы же, ведуще сатану под ногама твоима повержена, тебе, яко победителю, зовем:
• Радуйся, имже мир и тишина на небеси водворишася;
• Радуйся, от негоже духове злобы даже до ада низложишася.
• Радуйся, ангельския воинства и силы мира невидимаго ко истреблению зла направляяй;
• Радуйся, прю и возмущение стихий мира видимаго незримо укрощаяй.
• Радуйся, подъемлющих брань к духовом злобы поднебесным дивным споборниче;
• Радуйся, изнемогающих во искушениих и напастех века сего крепки и помощниче.
• Радуйся, Михаиле, великий Архистратиже, со всеми Небесными силами.

Кондак 5
Боготочный источник превеликих чудес явился еси во храме твоем, иже в Хонех; не точию бо змий великий и страшный, на месте том пребывавый, силою твоею потребися, но и струи водныя, всякий недуг телесный врачующия, открышася, да вси прославляющему тя Владыце Ангелов с верою зовут: Аллилуиа.

Икос 5
Слышаще и ведуще тя яко светило великое, посреде ликов ангельских блистающася, пречудный Михаиле, к тебе, по Бозе и Пресвятей Матери Божией, прибегаем: озари лучами света твоего всех нас, вопиющих ти сице:
• Радуйся, вождю и хранителю в пустыни народа богоизбраннаго;
• Радуйся, высокий посредниче закона, рукою Моисея на Синаи даннаго.
• Радуйся, у негоже судии и вожди Израилевы силу и покров обретаху;
• Радуйся, чрез негоже пророцы и первосвященницы иудейстии дар ведения от Всеведущаго Бога приимаху.
• Радуйся, богобоязненныя законодавцы тайною премудростию снабдеваяй;
• Радуйся, суд и правду творящим благость на сердце полагаяй.
• Радуйся, Михаиле, великий Архистратиже, со всеми Небесными силами.

Кондак 6
Провозвестника тя Божиих судеб егда узре некогда Маное, недоумения и страха исполнися, мня не жити ктому на земли; научен же от жены своея о благости явления и кротости словес твоих, в радости о имевшем родитися, по словеси твоему, сыне своем Сампсоне, благодарне возопи Богу: Аллилуиа.

Икос 6
Возсиял еси пречудно славою, Михаиле, егда во образе человечесте пред Иисусом Навином стал еси, глаголя: иззуй сапог с ногу твоею, - аз есмь Архистратиг силы Господни. Таковому явлению твоему чудящеся, с любовию вопием ти:
• Радуйся, боговенчанных глав неусыпный охранителю;
• Радуйся, противляющихся власти, яко Божию повелению противящихся, скорый низложителю.
• Радуйся, усмирителю народных треволнений;
• Радуйся, незримый упразднителю злочестивых обычаев.
• Радуйся, яко ты просвещаеши сомнящихся в час лютых недоумений;
• Радуйся, яко ты исхищаеши искушаемых от пагубоносных наваждений.
• Радуйся, Михаиле, великий Архистратиже, со всеми Небесными силами.

Кондак 7
Хотяй Владыка всяческих показати, яко жребии сынов человеческих не самослучайнии суть, но в Деснице Его выну содержатся, даде тя царствам земным заступника и хранителя, да племена и народы к вечному Царствию Божию уготовляеши; сего ради вси, ведущии о велицем служении твоем спасению человеческому, благодарне зовут Богу: Аллилуиа.

Икос 7
Новая чудеса показа нам, Архистратиже, тобою на земли всех чудес Творец и Владыка, егда храм, во имя твое созданный, от потопления водами речными дивно спасл еси, струям потока в недра земная устремитися повелевый; еже видя блаженный Архипп с духовными чады своими, благодарне к тебе возопи:
• Радуйся, святых храмов Божиих несокрушимая оградо;
• Радуйся, врагом веры Христовы необоримая преградо.
• Радуйся, егоже велению стихии покоряются;
• Радуйся, имже вси злобнии замыслы сокрушаются.
• Радуйся, верным радость от Престола Вседержителя износящий;
• Радуйся, неверных на стезю правды и истины приводящий.
• Радуйся, Михаиле, великий Архистратиже, со всеми Небесными силами.

Кондак 8
Странное чудо силы твоея, Архистратиже Божий, уведе на себе Аввакум, егда по манию Божию восхитив, принесл еси его скоротечне от Иудеи в Вавилон, дати пищу Даниилу, в рове со львы заключену; темже удивлься превеликому действию силы твоея, возопи с верою: Аллилуиа.

Икос 8
Весь еси в вышних, Михаиле, Престолу Царя Славы предстояй, не далек еси и от нижних, ратуя выну со врагами спасения человеческаго; темже вси, вожделеннаго Отечества. Небеснаго достигнути хотящии, согласно тебе зовут:
• Радуйся, начальниче трисвятаго ангельскаго пения;
• Радуйся, земнородных присно готовый предстателю и хранителю.
• Радуйся, прегордаго фараона с неверными египтяны поразивый страннообразно;
• Радуйся, верныя иудеи путеводивый в пустыни преславно.
• Радуйся, имже угасися пламень пещи вавилонския;
• Радуйся, Михаиле, великий Архистратиже, со всеми Небесными силами.

Кондак 9
Вси иноцы Святыя Горы Афонския в радостный трепет приидоша, видяще, како богобоязненна отрока, неистовно от нечестивых златолюбцев во глубину морскую с камнем повержена, спасл еси; темже приявшая его обитель, именем твоим красующися, благодарне взывает ко Господу: Аллилуиа.

Икос 9
Витий глаголы и любомудров смыслы не довлеют ко изглаголанию силы твоея, Михаиле, како во едину нощь сто семьдесят и пять тысящ поразил еси от воев царя ассирийска Сеннахирима, да накажется прочее не хулити Имя Господне; мы же, почитающе святую ревность твою о славе Бога Истиннаго, с веселием зовем ти сице:
• Радуйся, православных воинств непобедимый воеводо;
• Радуйся, зловерных ратей страх и низложение.
• Радуйся, правыя веры и богопочитания насадителю;
• Радуйся, душевредных ересей и расколов искоренителю.
• Радуйся, благочестивыя Маккавеи на поле брани многажды укрепивый;
• Радуйся, нечестиваго вождя Антиохова Илиодора в самем храме поразивый.
• Радуйся, Михаиле, великий Архистратиже, со всеми Небесными силами.

Кондак 10
Спастися хотящим нам буди помощник тверд, Архистратиже Божий, избавляяй и храняй нас от бед и напастей паче же от злых навыков и грехов наших, да, преспевающе в вере, надежде и любви Христове, с радостию о предивнем заступлении твоем ко Владыце Ангелов и человеков благодарне зовем: Аллилуиа.

Икос 10
Стена еси верующим человеком, Архистратиже Божий, и столп крепок во бранех со врагами видимыми и невидимыми; сего ради от сетей бесовских тобою избавляеми, благодарным сердцем и усты зовем сице:
• Радуйся, врагом веры и сопротивником Святыя Церкве непобедимый противоборниче;
• Радуйся, смиренным провозвестником Евангелиа неутомимый споспешниче.
• Радуйся, во тьме зловерия седящих светом веры Христовы просвещаяй;
• Радуйся, лжемудрием объюродевших на стезю истины и покаяния наставляяй.
• Радуйся, грозный отмстителю кленущимся Именем Божиим всуе;
• Радуйся, молниеносный карателю глумящихся безумие о таинствах святыя веры.
• Радуйся, Михаиле, великий Архистратиже, со всеми Небесными силами.

Кондак 11
Пение всякое хвалебное побеждается множеством чудес твоих, Архистратиже Божий, яко совершена суть тобою не точию на небеси и на земли, но и в темных сенех преисподней, идеже глубиннаго змия связал еси узами силы Господней, да избавляемии от злобы его благословят Владыку небесе и земли, зовуще: Аллилуиа.

Икос 11
Светоносный служитель истины и чистоты богопочитания явился еси, Архистратиже, егда, провидя козни духа тьмы, воспретил еси ему Именем Божиим, да не дерзнет сокровенное тело почившаго вождя Израилева Моисеа явити ко обожению чувственным сыновом Израилевым; сего ради, чтуще ныне благосветлый собор твой, благодарне вопием ти:
• Радуйся, чистоту боговедения во дни Ветхаго Завета среди иудеев сохранивый;
• Радуйся, плевелы заблуждений во дни Новыя благодати многажды искоренивый.
• Радуйся, языческих прорицалищ и кумиров истребителю;
• Радуйся, христианских подвижников и страстотерпцев укрепителю.
• Радуйся, немощныя духом силою благодати Божия исполняяй;
• Радуйся, изнемогающия плотию всеоружием веры облекаяй.
• Радуйся, Михаиле, великий Архистратиже, со всеми Небесными силами.

Кондак 12
Благодать от Бога с Небесе испроси нам, поющим во славу всечестнаго имене твоего, Михаиле, да, осеняеми твоим заступлением, во всяком благочестии и чистоте поживем, дондеже, отрешеннии смертию от уз плоти, сподобимся предстати огнезрачному Престолу Царя славы и с лики ангельскими возопити: Аллилуиа.

Икос 12
Поюще многообразная твоя чудеса, Михаиле, во спасение наше содеянная, молим Господа и Владыку всяческих, да дух ревности по славе Божией, иже в тебе, николиже оскудеет и в нас, зовущих ти сице:
• Радуйся, верных рабов Божиих во время благопотребно на высоту власти предивне поставляяй;
• Радуйся, продерзых и недостойных с высоты силы и славы незримо низлагаяй.
• Радуйся, в день последний избранных от четырех концов земли имеяй собрати;
• Радуйся, имже грешныя, яко плевелы, по гласу Божию огню вечному преданы будут.
• Радуйся, имже сатана со ангелы его во езеро огненное на веки повергнется;
• Радуйся, имже праведниц во обителех Отца Небеснаго преславне водворятся.
• Радуйся, Михаиле, великий Архистратиже, со всеми Небесными силами.

Кондак 13
О пречудный Архангелов и Ангелов начальниче, за предивное служение твое спасению рода человеческаго приими от нас возносимый к тебе ныне глас хвалы и благодарения и, яко исполнь силы Божией, покрый нас невещественныма крилома твоима от всех враг видимых и невидимых, да прославляемому тобою и прославившему тя Господу выну зовем: Аллилуиа.
(Этот кондак читается трижды,
затем икос 1 и кондак 1)

Молитвы Свят

www.molitvoslov.com


Смотрите также